Aqtaýda 6 jasar qyzdy kósheniń qaq ortasynan birge ertip ketip, zorlamaq bolǵan er adam ustaldy, dep habarlaidy "Ult aqparat".
Jaǵa ustarlyq jaǵdai keshe boldy. Kúndizgi 11-ler shamasynda belgisiz er adam 28-shaǵynaýdandaǵy 11-úidiń janynda 2013 jyly týǵan qyzdy aldap, ertip ketken jáne sol mańdaǵy ziratqa aparyp, zorlamaq bolǵan. Kúdikti ótip bara jatqan adamdy kórip, qashyp ketken.
MO Politsiia departamenti baspasóz qyzmetiniń habarlaýynsha, Aqtaý qalasy kriminaldyq politsiia bólimi qyzmetkerleri jedel-izdestirý is-sharalaryn júrgizý barysynda er adamdy ustaǵan. Ol buryn sottalǵan bolyp shyqty.
«Qazirgi ýaqytta kúdikti óz isin moiyndap, ýaqytsha ustaý abaqtysyna qamaldy. Atalǵan derek boiynsha QR Qylmystyq kodeksi 120-babynyń 3-bóligimen tirkelip, sotqa deiingi tergeý amaldary júrgizilip jatyr» delingen habarlamada.
