Mańǵystaý oblysynda memleketke 760 mln teńgeden astam shyǵyn keltirgen eki kompaniia qyzmetkerleri sottaldy, dep habarlaidy Qarjylyq monitoring agenttiginiń baspasóz qyzmet.
«Qolma-qol aqshaǵa ainaldyratyn» kompaniialar taýarlardy satpaidy jáne qyzmet kórsetpeidi, biraq qarajatty qolma-qol aqshaǵa ainaldyryp, basqa firmalarǵa aqshalai syiaqyǵa jalǵan qujattar jasaidy.
Bul zańsyz áreketterdi jasaǵany úshin QR QK 216-baby boiynsha qylmystyq jaýapkershilik júktelip, 7 jyl merzimge bas bostandyǵynan aiyrý jazasy qarastyrylǵan», delingen habarlamada.
Agenttiktiń Mańǵystaý oblysy boiynsha aýmaqtyq departamenti materialdyq syiaqy úshin jalǵan shot-faktýralardy jazyp berýdiń eki deregin anyqtaǵan.
«Birinshi jaǵdaida kásipker Á.Qosbarmaqov Jańaózen qalasynda «Ózen-Aqjol» JShS jáne «Qosbarmaqov Ádilet Amankeldiuly» JK atty eki kompaniia qurdy. Júk tasymaly jáne qyzmet kórsetý boiynsha negizgi qyzmettiń ornyna eki kásiporyn atynan 3,1 milliard teńgeden astam somaǵa 7 kompaniiaǵa jalǵan býhgalterlik qujattardy jazyp berý júzege asyrylǵan», dep málimdedi vedomstvodan.
Osyǵan uqsas derek Aqtaý qalasynda da anyqtalǵan.
«I.Agataev pen M. Ábilev «Bóri Aqtaý» JShS-yn quryp, bir top tulǵalarmen aldyn ala sóz bailasý arqyly is júzinde jumystar oryndamai jáne qyzmetter kórsetpei, 1,5 milliard teńgeden astam somaǵa shot-faktýralar jazyp bergen», delingen habarlamada.
Osy kompaniialardyń zańǵa qaishy áreketiniń nátijesinde memleketke tólenbegen salyq túrinde 767 million teńgeden astam zalal keltirilgen. Agenttiktiń málimdeýinshe, barlyq kináli adamdar ártúrli merzimge sottalǵan.
