Mańǵystaý oblysynyń Ushtaǵan aýylynda jazýshy Smaǵul Elýbaidyń «Aq boz úi» romany boiynsha film túsirilip jatyr, dep habarlaidy "Ult aqparat".
Túsirilim jumystary 25 mamyrda bastalǵan, 20 maýsymǵa deiin jalǵasady. Kinokartina úshin Almatydan arnaiy ártister shaqyryldy.
Basty rólderdiń birin Qazaqstannyń eńbek sińirgen qairatkeri Qairat Kemal somdaidy.
Filmniń rejisseri — «Aq boz úi» romany avtorynyń uly Bekarys Elýbai.
«Aq boz úi» - ótken ǵasyrdyń 30 jyldaryndaǵy qazaq dalasyndaǵy ujymdastyrýdyń artynan ilese kelgen asharshylyq jyldaryn sýretteitin ádebi shyǵarma. Kino tiline túsirilgen týyndy el basyna túsken náýbetti bir áýlettiń tarihy arqyly baiandaidy. Túsirilim jumystaryn Ushtaǵan aýylynan bastap kettik. Aýyl turǵyndary úlken yqylaspen túsirilim tobyna qatysyp, óz kómekterin kórsetip jatyr»,-dedi rejisser Bekarys Elýbai.
Ótken ǵasyrdaǵy qazaq tarihynyń qaraly betteri jaily film 2022 jyldyń naýryz aiynda kórermenge jol tartpaq.
