Foto: elements.envato.com
Prokýrorlar Mańǵystaý oblysyndaǵy mektepterde jalǵan diplom paidalanýdyń toǵyz deregin anyqtady, - dep habarlaidy Tengrinews.kz agenttigi qadaǵalaý organynyń baspasóz qyzmetine silteme jasap.
Mysaly, Qaraqiia aýdanyndaǵy Aqqudyq orta mektebinde eńbek pániniń muǵalimi jalǵan diplommen jumys istegen. Ol Qazaqstan Respýblikasy Qylmystyq kodeksiniń 385-babynyń 3-bóligi ("Kórineý jalǵan qujat paidalaný") boiynsha qylmystyq jaýapkershilikke tartylǵan.
"Uqsas derekter Aqtaý qalasyndaǵy eki mektepte (qazaq tili men qazaq ádebieti), Jańaózen qalasyndaǵy úsh mektepte (orys tili, bastaýysh synyp muǵalimi), Munaily aýdanyndaǵy eki mektepte (bastaýysh synyp muǵalimderi), Beineý aýdanyndaǵy bir mektepte (bastaýysh synyp muǵalimi) anyqtaldy. Olarǵa qatysty sotaldy tergeý amaldary bastaldy", - delingen habarlamada.
