Foto: Ashyq derekkóz
Mańǵystaý oblysynda 23 naýryzda joǵalǵan úsh bala tabyldy, dep habarlaidy tótenshe jaǵdailar ministrliginiń baspasóz qyzmeti.
"Mańǵystaý oblysynyń tótenshe jaǵdailar departamentine 23 naýryzda saǵat 20:30 shamasynda Túpqaraǵan aýdany Fort-Shevchenko qalasynda kámeletke tolmaǵan balalar kóshege oinaýǵa shyǵyp, úige oralmaǵany týraly habarlama kelip tústi. Uldar 2012, 2014 jáne 2018 jyly týǵan", - dep habarlady tótenshe jaǵdailar ministrliginiń baspasóz qyzmeti.
Izdestirý jumystaryna tótenshe jaǵdailar departamenti jeke quramynyń 8 adamy jáne 3 tehnika jumyldyryldy.
24 naýryz saǵat 03-40-ta joǵalǵan balalar kórshi úidiń aýmaǵyndaǵy sharýashylyq qurylysynan tabyldy. Meditsinalyq kómek qajet bolmady.
