Aqtaý qalasynyń 1-shaǵynaýdanynda modýldi juqpaly aýrýlar statsionarynyń qurylys jumystary bastalyp ketti. Nysan 1 qazanda ashylady dep josparlanyp otyr. Bul týraly oblystyq qoǵamdyq kommýnikatsiia ortalyǵynda ótken brifingide Mańǵystaý oblysynyń densaýlyq saqtaý basqarmasynyń basshysy Jamal Jamanbaeva málim etti.
«Aýrýhana 200 kereýetke arnalǵan jáne tolyqtai qajetti meditsinalyq jabdyqtarmen qamtylady. Statsionarǵa 300-den asa meditsina qyzmetkeri qabyldanady. Jalpy, Mańǵystaýda epidemiologiialyq ahýalǵa sáikes 170 adamǵa arnalǵan 9 infektsiialyq statsionar bar. Rezervtegi 11 infektsiialyq statsionarda 1835 tósek oryn daiyn», - dedi basqarma basshysy.
Jamal Jamanbaevanyń aitýynsha, óńirde kadr rezervi jasaqtalǵan. Degenmen 75 meditsina qyzmetkeri jetispeidi. Sondai-aq, basqarma basshysy óńirdiń meditsina mekemelerin dári-dármekpen qamtamasyz etý maqsatynda jasalyp jatqan jumystar jaiynda baiandady.
«Qazirgi ýaqytta oblys kólemindegi infektsiialyq jáne provizorlyq statsionarlarda 30 myńnan astam antikoagýlianttar geparin, kleksan, frakisparin, bakteriiaǵa qarsy 2000 astam tsef-4, 35000 tsef-3, 40000 jýyq tseftazidim, 8000 jýyq azitromitsin jáne t.b bakteriiaǵa qarsy preparattar bar. Oǵan qosa 25000 jýyq deksametazon jáne 30000 jýyq prednizolon preparattary bar. Qor kólemi 3 aidan astam ýaqytqa jetedi dep josparlandy»,-dedi MO Densaýlyq saqtaý basqarmasynyń basshysy Jamal Jamanbaeva.
Óńirde tumaýǵa qarsy vaktsina salý 15 qyrkúiekten bastap bastalady. Biyl 100 000 doza kóleminde vaktsina qajettiligi eseptelip shyǵaryldy. Tumaýǵa qarsy vaktsinanyń 70 000 dozasy oblysqa qyrkúiektiń 4-i kúni jetkizildi.
«Tumaýǵa qarsy vaktsinatsiialaý kezinde turǵyndardy kelesi sharalardy saqtaý qajet.Vaktsinatsiia 2020 jyldyń 15 qyrkúieginde bastalady. Sizderdi dárigerler ózderi shaqyrady. Emhanaǵa kelý ýaqyty belgilenedi. Munyń bári patsientterdiń aǵymyn retteý jáne adamdardyń kóp jinalýyna jol bermeý úshin kerek. Maska rejimin jáne araqashyqtyqty qatań saqtaý talap etemiz»,-dedi MO Densaýlyq saqtaý basqarmasynyń basshysy Jamal Jamanbaeva.
