Búgin saǵat 09:50-degi jaǵdai boiynsha Mańǵystaý oblysynda 1 adamnyń koronavirýs juqtyrǵany málim boldy.
Ol - 24 jastaǵy Aqtaý qalasynyń turǵyny. Koronavirýs infektsiiasyn juqtyrǵan adammen qarym-qatynasta bolýyna bailanysty karantindik statsionarǵa jatqyzylyp, zerthanalyq synama alynǵan, dep habarlady Tótenshe jaǵdai rejimin qamtamasyz etý jónindegi Memlekettik komissiianyń Jedel shtaby.
PTR diagnostikalyq zertteý nátijeleri boiynsha atalǵan azamattan COVID-19 diagnozy naqtylandy. Kazirgi ýaqytta naýqas oblystyq aýrýhananyń juqpaly aýrýlar bólimine ornalastyryldy.
Aýrý oshaqtarynda dezinfektsiialyq jumystar júrgizildi. Epidemiiaǵa qarsy is-sharalar qolǵa alynǵan.
Osy ýaqatta Mańǵystaý oblysynda qaýipti virýsty juqtyrǵan 19 adam, aýrýdan aiyǵyp ketken 4 adam bar.
