15 men 30 naýryz aralyǵynda Mańǵystaý obylsy boiynsha mektep oqýshylarynyń arasynda koronavirýs infektsiiasyn juqtyrǵan 16 jaǵdai, muǵalimder arasynda 6 jaǵdai tirkeldi, dep habarlaidy "Ult aqparat".
Bul týraly Qoǵamdyq kommýnikatsiia ortalyǵynda ótken brifingte Mańǵystaý oblysy sanitariialyq- epidemiologiialyq departamentiniń basshysy Ǵaziz Nadýev málim etti.
Onyń aitýynsha, mektep oqýshylary arasynda Aqtaý qalasy boiynsha №13, 20, 6, 12, 21, 23, 5, 6, 15 mektepte jáne Nazarbaev ziiatkerlik mektebinde, Munaily aýdany boiynsha Qyzyltóbe litseiinen 2 jaǵdai anyqtaldy.
Onyń ishinde 9 oqýshy - offlain, 7-eýi - onlain rejimde oqidy.
«Anyqtalǵan 16 oqýshynyń 15-i úidegi qarym-qatynas arqyly, 1 oqýshy jedel otaǵa daiyndyq barysynda anyqtalyp otyr. Aýyrǵan oqýshylardyń barlyǵynyń shaǵymy joq. Qazirgi ýaqytta 16 oqýshynyń synyptary úi karantinine alyndy»,-dedi Ǵaziz Nadýev.
Budan bólek Mańǵystaý oblysy sanitariialyq-epidemiologiialyq departamentiniń basshysy epidemiologiialyq ahýaldyń qazirgi deńgeiine toqtaldy.
«Infektsiia juqtyrǵandardyń 65% tyǵyz qarym-qatynasta bolǵan oshaqta baiqalyp otyr. Bul degenimiz - adamdar epidemiia oshaǵynda saqtyq sharalaryn qadaǵalamai, aýyryp jatyr degen sóz. Qazirgi ýaqytta aýrýdyń salystyrmaly kórsetkishi Aqtaý qalasynda ósim berip otyr. Aýdandardyń ishinde eń tómen kórsetkish Beineý men Qaraqiia aýdanynda bolyp otyr»,-dedi Ǵaziz Nadýev.
Mańǵystaý oblysynda sońǵy reprodýktivti kórsetkish - 0,77.
