Mańǵystaý oblysyndaǵy «Aqtaý-Jańaózen» avtojolyna áskeri ushaq qondy, dep habarlaidy "Ult aqparat".
QR Qorǵanys ministrligi baspasóz qyzmetiniń málimetinshe, «Altyn jebe» oqý-jattyǵý aiasynda áskeri ushaq jolǵa qondyryldy.
Jattyǵý barysynda qaýipsizdik sharalary eskerilgennen keiin, ushaqty qondyrý amaldary jasaldy.
Vedomstvo aqparatyna qaraǵanda, sáýir aiynyń basynda Qorǵanys ministri «Altyn jebe» arnaiy operatsiialar kúshteriniń komponentterin keshendi tekserý barysyn qadaǵalady.
Aqtaý garnizonynda qorǵanys vedomstvosynyń basshysy arnaiy operatsiialar kúshteriniń quramdaryn tekserýdiń ekinshi kezeńi ótip jatqan oqý-jattyǵý poligondaryn aralady.
Aita keteiik, «Altyn jebe» arnaiy operatsiialar kúshterin keshendi tekserýdiń ekinshi kezeńi Qazaqstannyń batys óńirinde ótip jatyr.
Buǵan Qurlyq áskerleriniń, Áýe qorǵanysy kúshteriniń jáne Áskeri-teńiz kúshteriniń áskeri bólimderi qatysty.
«Altyn jebe» tekserisiniń ekinshi kezeńi osy jyldyń 10 sáýirine deiin jalǵasady.
