Mańǵystaý oblysynda vaktsina salatyn 17 pýnkt jumys istep tur. Al, Aqtaý qalasyndaǵy jyljymaly egý pýnkteriniń sany – úsheý, dep habarlaidy "Ult aqparat" oblystyń densaýlyq saqtaý basqarmasynyń baspasóz qyzmetine silteme jasap.
7 sáýir kúngi málimet boiynsha 645 adamǵa vaktsinanyń I komponenti egildi.
Atap aitqanda, «Neiron» meditsina klinikasynda - 100, QHA ǵimaratyndaǵy pýnkte - 20, Munaily aýdandyq OA- 70, Túpqaraǵan aýdandyq OA - 25, Mańǵystaý aýdandyq OA - 15, Beineý aýdandyq OA - 70, Aqtaý qalalyq No1 emhanasy - 160, Aqtaý qalalyq emhanasy No 2 emhanasy - 70, «Mediker pliýs» meditsina klinikasy - 15, «Iasin» meditsina ortalyǵy - 60 adam, Jetibai aýyldyq aýrýhanasy - 15, «Senim» meditsina klinikasy - 25.
Vaktsinanyń II komponentimen 85 adam egildi. «Neiron» meditsina klinikasynda - 20, Munaily CRH - 30, Túpqaraǵan CRH - 20, No 2 Aqtaý qalalyq emhanasynda - 15.
Osylaisha, vaktsinatsiia bastalǵannan beri oblysta egilgenderdiń jalpy sany 5460 adamdy qurady. Vaktsinanyń qalǵany – 3835 doza.
Budan bólek, búgin Aqtaý qalasynyń irgesindegi óndiristik aimaqta ornalasqan «QazAzot» mekemesiniń ǵimaratynda «Iasin» emhanasynyń jyljymaly egý pýnkti ashyldy.
Mundaǵy egý kabineti kún saiyn 10:00 - 14:00 aralyǵynda jumys isteidi. Alǵashqy kúni egý pýnktinen «QazAzot» mekemesiniń 40 qyzmetkeri koronavirýsqa qarsy vaktsina saldyrdy.
Vaktsina alǵan «QazAzot» AQ qyzmetkeri Aqbota Týlaeva ekpeden keiin ózin jaqsy sezinip, eshqandai shaǵym bolmaǵandyǵyn aitty.
«Ózimdi óte jaqsy sezinip otyrmyn. Árine, bastysy - adamnyń óz jaýapkershiligi. Jaqyndaryń úshin aýyrmaýdyń, olarǵa juqtyrmaýdyń jolyn tabý. Búgin aldyn ala tekserýden jaqsy nátije boldy, ári qarai ekpe aldym. Bári jaqsy ótti»,-deidi ol.
«Iasin» meditsina ortalyǵynyń dárigeri Tatiana Pavlovanyń aitýynsha, protsedýradan buryn árbir mamannyń densaýlyǵy tekserýden ótedi.
Qan qysymy, dene temperatýrasy, basqa da kórsetkishteri ólshenedi.
Meditsinalyq qarsy kórsetilim bolmaǵan jaǵdaida erikti túrde ekpe alýǵa kelgen adamǵa vaktsina egiledi.
Ekpe tegin salynady. Qazirgi tańda salynyp jatqan vaktsina - «SPÝTNIK-V».
Aldaǵy ýaqytta óndiristegi mamandar ekpe pýnktinen vaktsina alýdy josparlap otyr.
«Iasin» meditsina ortalyǵy aldaǵy kúnderi halyq kóp shoǵyrlanatyn 16 shaǵynaýdandaǵy «Aqtaý» OSO jáne 19a shaǵynaýdanda ornalasqan Á.Kekilbaev atyndaǵy oblystyq ólketaný murajaiy ǵimaratynda egý pýnktin uiymdastyrýdy josparlap otyr.
Mańǵystaýda kún saiyn jańa jyljymaly egý pýnkteri ashylyp jatyr.
