Mańǵystaý oblysynda koronavirýstyń taralýyn aldyn alý maqsatynda, oblystyń Bas memlekettik sanitarlyq dárigeri Ǵ. Nadýevtyń jańa qaýlysy shyqty, dep habarlaidy "Ult aqparat".
Qaýly oblys aýmaǵynda 2021 jylǵy 17 sáýirdiń saǵat 00:00-nen bastap kúshine enedi. Qaýlyǵa sáikes tómendegi shekteý sharalary engiziledi.
Máselen, mynalarǵa tyiym salynady:
1) densaýlyq saqtaý uiymdarynda, jedel meditsinalyq járdem mashinalarynda, epidemiologiialyq oshaqta tergep-tekserý men naýqastardan jáne olarmen bailanysta bolǵan adamdardan saýalnama júrgizý kezinde aýdio, foto jáne beine túsirilim júrgizýge;
2) oiyn-saýyq, buqaralyq is-sharalardy, kórermendermen sporttyq sharalardy, kórmelerdi, forýmdardy, konferentsiialardy, sondai-aq otbasylyq, saltanatty sharalardy (banket, úilený toiy, mereitoilar, úidiń ishindegi jiyndar t. b.) ótkizýge;
3) as berýdi (sadaqa) ótkizýge;
4) býkmekerlik keńseler, biliard, túngi jáne oiyn klýbtary, karaoke, banket zaldarynyń qyzmetine;
5) oblystyq komandalardyń (mádeniet, bilim jáne sport salasynda) sportshylardyń jeke sport túrleri boiynsha jarystarǵa, konkýrstarǵa, olimpiadalarǵa «qyzyl aimaqtarda» ornalasqan óńirlerge jáne Qazaqstan Respýblikasynan tys jerlerge shyǵýyna.
Mańǵystaý oblysynda karantin rejimi men merzimderi «COVID-19» koronavirýstyq infektsiiasynyń taralýy boiynsha epidemiologiialyq jaǵdaidyń ózgerýine sáikes ózgertilýi múmkin.
Eske salsaq, 2021 jyldyń 14 sáýirindegi jaǵdai boiynsha, «qyzyl» aimaqta Nur-Sultan, Almaty qalalary men Atyraý, Aqtóbe, Aqmola, Almaty, Batys Qazaqstan jáne Qaraǵandy oblystary tur. Shymkent qalasy men Jambyl, Qyzylorda, Pavlodar, Soltústik Qazaqstan jáne Mańǵystaý oblystary «sary» aimaqta.
