Mańǵystaý oblysynyń ákimi Nurlan Noǵaev Qaraqiian aýdanynda joldy jaýyp tastaǵan narazylyq bildirýshilerge qatysty pikir bildirdi, - dep habarlaidy Tengrinews.kz.
Ortalyq kommýnikatsiialar qyzmetinde ótken brifingte jýrnalister suraǵyna jaýap bergen Noǵaev munai-gaz sektoryndaǵy jumyspen qamtýda basty nazar jaqyn mańdaǵy aýdandar men eldi mekenderdiń turǵyndaryna aýdarylatynyna sendirdi.
"Keshegi oqiǵanyń basty sebebi - munai óndirýshi uiymǵa tikelei jumysqa ornalasý suranysy. Bulai isteý múmkin emes, munai óndirýshi kompaniialarǵa jumysqa ornalastyrýdyń belgili bir algoritmi bar jáne bul algoritm qatań saqtalady", - dedi Noǵaev.
Degenmen, ákim bul algoritm boiynsha shaǵymdar bar ekenin moiyndady. Ol elektron formatqa kóshý jaǵdaidy túzetýge septigin tigizedi dep sendirdi.
"Oqiǵa nege keshe boldy. "MańǵystaýMunaiGaz" 102 adamdy jumysqa ornalastyrý múmkindigin tapty. Onyń ishinde 40 oryn jumys berýshi, ákimdikter jáne kásipodaqtar arasyndaǵy kelisim boiynsha buryn osy kompaniiada jumys istegen jumysshylarǵa nemese basqa sanattar boiynsha bólingen. Qaraqiia óńiri turǵyndarynyń talaby – 62 bos jumys ornynyń barlyǵy olarǵa algoritmsiz tikelei berilýi kerek", - dep túsindirdi Noǵaev.
Ákim turǵyndar tek munai-gaz salasynda ǵana jumysqa ornalasýdy talap etetinine toqtalyp, óńirde bos jumys oryndary jetkilikti ekenin jetkizdi.
"Mańǵystaý oblysyna jumys isteý úshin 20 myń sheteldik jumysshy keldi (2021 jyly - esk.). Bul - negizinen, qurylys indýstriiasy, aýyl sharýashylyǵy, taý-ken ónerkásibi. Olar sapaly jumys isteidi, ókinishke qarai, tipti jeke saýdagerler de ózderi jasai alatyn jumystardyń kóbisi eńbek migranttaryn tartady. Jumyspen qamtýdyń óńirlik baǵdarlamasy bar, respýblikalyq baǵdarlamalar bar, jumys oryndary ashylyp jatyr", - dedi Nurlan Noǵaev.
