6 jáne 9 mamyrda eki iri asteroid Jerdiń mańyna jaqyn ushyp ótedi, dep habarlaidy QazAqparat Astro News-ke silteme jasap.
AQSh - NASA Aeronavtika jáne ǵarysh keńistigin zertteý jónindegi ulttyq basqarmasy seriktes teleskoptar jelisi men Planetarlyq qorǵanys úilestirý biýrosy arqyly barlyq asteroidty baqylaidy. Basqarma olardy Jer úshin qaýipti jáne qaýipsiz dep jikteidi.
Eki asteroidtyń – 2009 JF1 jáne 467460 (2006 JF42) jýyrda Jerge jaqyndaýyna keletin bolsaq, habarlamada olardyń ushyp ótýinen qaýip joqtyǵy aitylady. 2009 JF1 asteroidynyń diametri - shamamen 10 metr ǵana jáne ol 2022 jyldyń aqpan aiynda Eýropalyq ǵarysh agenttiginiń baqylaý tiziminen shyǵaryldy. Baqylaýlar onyń Jermen soqtyǵysý yqtimaldyǵy az ekenin kórsetken bolatyn.
Ekinshi 2006 JF42 asteroidy anaǵurlym iri, diametri – 380-nen 860 metrge deiin. Sonymen qatar, ol bizdiń planetamyzǵa 5,7 mln shaqyrymǵa jaqyndaidy. Bul - Jer men Aidyń ortasha qashyqtyǵynan 14 ese artyq.
NASA-nyń sońǵy aqparatyna sáikes, «Baqytymyzǵa qarai, kem degende 100 jyl boiy Jerge belgili bir asteroidtyq qaýipter tónip turǵan joq».
