Áleýmettik meditsinalyq saqtandyrý qory Mindetti áleýmettik meditsinalyq saqtandyrý (MÁMS) júiesinde jeńildik alatyndar sanatyna kimder kiretinin túsindirdi, ,dep habarlaidy "Ult aqparat".
«Memleket jeńildik alatyn sanatqa engen 11 mln adam úshin jarnany tólep keledi», - delingen atalǵan qor baspasóz qyzmetiniń agenttik tilshisine bergen jaýabynda.
Usynylǵan aqparatqa sáikes jeńildik alatyndarǵa osy sanattar engen:
balalar; jumyssyz retinde tirkelgender; jumys istemeitin júkti áielder; bala úsh jasqa tolǵansha oǵan qarap otyrǵan jumys istemeitin adamdar; júktilik ári bosaný jáne jańa týǵan náresteni asyrap alýǵa qatysty demalysqa shyqqandar, sondai-aq bala úsh jasqa tolǵansha ony baǵýmen otyrǵandar; múmkindigi shekteýli balaǵa qarap otyrǵan jumys istemeitin adamdar; bala kezinen birinshi toptaǵy múmkindigi shekteýli jannyń kútimimen otyrǵan jumys istemeitin adamdar; zeinetaqy tólemderin alýshylar, Ekinshi dúniejúzilik soǵys ardagerleri; qylmystyq- atqarý júiesi mekemelerinde sot úkimimen jazasyn ótep jatqandar; tergeý oqshaýlaǵyshynda otyrǵadar; jumys istemeitin qandastar; kópbalaly analar; múmkindigi shekteýli jandar; orta, tehnikalyq ári kásiptik, joǵary bilim, sondai-aq JOO-dan keiingi bilim alý uiymdarynda kúndizgi bólimde oqyp jatqandar; memlekettik ataýly áleýmettik kómek alatyn jumys istemeitin adamdar.
