Elimizde 2 millionnan astam adam MÁMS júiesinen tys qalyp otyr. Daýdyń basty taqyrybyna ainalǵan júie toqtai ma? Premer-ministrdiń orynbasary Tamara Dúisenova osy suraqqa jaýap berdi, dep habarlaidy «Ult aqparat» Stan.kz aqparat agenttigine silteme jasai otyryp.
Onyń sózinshe, MÁMS toqtamaidy, biraq jetile túsedi. Ol MÁMS álemdik tájiribede qoldanylyp júrgen tiimdi júie ekenin aitty.
- "MÁMS-ke qatyspaǵan adamdar kepildendirilgen meditsinalyq kómekti alyp jatyr. Al jalpy MÁMS-tiń ózi boiynsha biz jumysty bastadyq. MÁMS júiesi jumys isteitin shetelderde azamattardy izdep shaqyryp, kómek suraidy. Bizde azamattar emhanalardy ózderi izdep júredi. Osyndai problemalar bar", – dedi ol.
Condai-aq vitse-premer MÁMS júiesiniń durys jumys istemeýine sebep bolyp otyrǵan birneshe problemany atady.
- "Memleket basshysy kepildendirilgen saqtandyrý paketterinen bir paket jasaý kerek ekenin aitty. Ony qazir bastaimyz. Ekinshiden, tarifti kóterý máselesin de qarastyramyz. Úshinshi másele azamattardyń qatysýy jóninde.
Qazir qatysýǵa múmkindigi bar, eńbek tabysy bar azamattardy tartý boiynsha jergilikti jerlerde jumystar bastaldy. Múmkindigi joq azamattardy jergilikti atqarýshy organdarmen birge qarastyramyz. Esterińizde bolsa, memleket basshysy "dárigerler men meditsinalyq qyzmetkerlerdi qaǵazbastylyqtan bosatyńdar" dep aitqan. Buryn árbir mekeme 6 kelisimshart jasaityn edi, biyldan bastap ony bir mekeme bir kelisimshart jasaityndai ettik", – dedi ol.
Buǵan deiin úkimettiń keńeitilgen otyrysynda Qasym-Jomart Toqaev mindetti áleýmettik meditsinalyq saqtandyrý júiesiniń iske qosylǵanyna bes jyl bolsa da áli kúnge deiin ózgeris joq ekenin aitqan edi.
