Emhanalardaǵy qabyldaýdan bastap kúrdeli operatsiialarǵa deiin mindetti meditsinalyq saqtandyrý júiesi boiynsha júrgiziledi, dep habarlaidy "Ult aqparat".
Nur-Sultan ákimdigi resmi saitynyń málimetinshe, Qazaqstanda meditsinalyq kómek mindetti áleýmettik meditsinalyq saqtandyrý júiesi jáne tegin meditsinalyq kómektiń kepildik berilgen kólemi sheńberinde kórsetiledi.
Saqtandyrylǵan qazaqstandyqtarǵa emhanalarda emdelý, dárigerler qabyldaýy, zerthanalyq qyzmetter, diagnostika, sondai-aq dári-dármekter qoljetimdi. MÁMS esebinen patsientter aýrýhanalarda josparly túrde de, kúndizgi statsionarlar rejiminde de emdele alady.
«Budan basqa, mindetti meditsinalyq saqtandyrý júiesine qatysýshylar úshin joǵary tehnologiialyq meditsinalyq qyzmetter, iaǵni kúrdeli biregei operatsiialar qoljetimdi. Sondai – aq palliativtik kómek kórsetiledi - emdelmeitin, ómirge qaýip tóndiretin jáne aýyr ótetin aýrýlary bar patsientterdiń ómir súrý sapasyn barynsha qolaily deńgeide ustaý», - dedi № 4 qalalyq emhananyń meiirbike isiniń menedjeri Janar Nazarova.
Budan basqa, meditsinalyq saqtandyrý júiesi boiynsha syrqatynan keiin turaqty bógde adamnyń kútimine nemese qaraýyna muqtaj naýqastrǵa meiirgerlik kútim kórsetiledi.
Áleýmettik meditsinalyq saqtandyrý júiesine qatysý úshin mindetti meditsinalyq saqtandyrý qoryna (ÁMSQ) aýdarymdar túsip turýy qajet. Ony ne jumys berýshi, ne derbes tóleýshiler tóleidi. Osylaisha, 2020 jylǵy 1 qańtardan bastap jumys berýshiler árbir qyzmetkerdiń tabysynan 2% -yn, JK - 1,4 ETJ-nyń 5%-yn, azamattyq-quqyqtyq sharttar boiynsha jumys isteitin adamdar - tabysynyń 1% -yn, qyzmetkerler-tabysynyń 1% - yn, derbes tóleýshiler-1 ETJ-nyń 5% - yn MÁS-ke aýdarýy tiis.
Saqtandyrý aýdarymdary men jarnalary tabystyń mynadai túrlerinen tólenbeidi: qyzmettik issaparlar jáne jumystyń júrip-turý sipaty kezindegi ótemaqylar; qyzmetkerlerdiń dalalyq jabdyqtalymy; biýdjet qarajatynan qyzmetkerlerdi oqytýǵa aqy tóleýge, járdemaqylar men ótemaqylarǵa jetkizýge bailanysty shyǵystar; saýyqtyrýǵa arnalǵan demalysqa arnalǵan járdemaqy, meditsinalyq qyzmetterge aqy tóleý úshin, bala týǵan kezde, jerleýge arnalǵan tólemder 8 eń tómengi jalaqy (ETJ) sheginde; Stipendiialar; saqtandyrý syilyqaqylary.
«Jumys berýshi sondai-aq azamattardyń áleýmettik osal toptaryna jatatyn jumyskerler úshin, áskeri qyzmetshiler, arnaýly memlekettik organdardyń qyzmetkerleri jáne quqyq qorǵaý organdarynyń qyzmetkerleri úshin tólemderden bosatylady», - dep tolyqtyrdy Janar Nazarova.
Memleket tarapynan ÁMSQ-ǵa jarna tóleitin azamattar sanaty bar.
Atap aitqanda mynalar: jumyspen qamtý ortalyqtarynda tirkelgen jumyssyz balalar, jumys istemeitin júkti áielder; bala (balalar) úsh jasqa tolǵanǵa deiin ony (olardy) tárbielep otyrǵan jumys istemeitin adam; júktilikke jáne bosanýǵa, jańa týǵan balany (balalardy) asyrap alýǵa bailanysty, bala (balalar) úsh jasqa tolǵanǵa deiin onyń (olardyń) kútimine bailanysty demalysta júrgen adamdar; múgedek balany (balalardy) kútip-baǵýdy júzege asyratyn jumys istemeitin adamdar jatady; bala kezinen birinshi toptaǵy múgedekke kútimdi júzege asyratyn jumys istemeitin adamdar; zeinetaqy tólemderin alýshylar, onyń ishinde Uly Otan soǵysynyń qatysýshylary men múgedekteri; qylmystyq-atqarý (penitentsiarlyq) júiesi mekemelerinde (qaýipsizdigi barynsha tómen mekemelerdi qospaǵanda) sot úkimi boiynsha jazasyn ótep júrgen adamdar; tergeý izoliatorlaryndaǵy adamdar; jumys istemeitin oralmandar; «Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, sondai-aq I jáne II dárejeli «Ana dańqy» ordenderimen nagradtalǵan kóp balaly analar; orta, tehnikalyq jáne kásiptik, orta bilimnen keiingi, joǵary bilim berý, sondai-aq joǵary oqý ornynan keiingi bilim berý uiymdarynda kúndizgi oqý nysanynda bilim alyp jatqan adamdar; memlekettik ataýly áleýmettik kómekti jumys istemei alýshylar.
MÁMS aiasynda qyzmet kórsetý boiynsha barlyq suraqtar men shaǵymdardy 1406 tegin nómiri boiynsha áleýmettik meditsinalyq saqtandyrý qorynyń call-ortalyǵyna jiberýge bolady.
Sondai-aq ótinishti Qoldau 24/7 qosymshasyna jáne SaqtandyryBot telegram-botyna da joldaýǵa bolady.
