QR Premer-Ministri Asqar Maminniń tóraǵalyǵymen Jańǵyrtý jónindegi ulttyq komissiia otyrysy ótip, onda 2019 jyly atqarylǵan jumystyń qorytyndysy shyǵarylyp, osy jylǵa arnalǵan ózekti máseleler qaraldy.
Sharaǵa QR Parlamenti Májilisiniń tóraǵasy Nurlan Nyǵmatýlinniń qatysty, dep habarlaidy QazAqparat QR úkimetiniń resmi saityna silteme jasap.
«Tuńǵysh Prezident – Elbasy N. Nazarbaevtyń Bes institýtsionaldyq reformasyn iske asyrý jónindegi 100 naqty qadam» Ult josparynyń jáne QR Prezidenti Qasym-Jomart Toqaevtyń 2019 jylǵy 2 qyrkúiektegi Joldaýyn iske asyrý boiynsha Jalpyulttyq is-sharalar josparynyń (JUJ) tarmaqtarynyń oryndalý barysy týraly QR Ulttyq ekonomika ministri R. Dálenov, Bilim jáne ǵylym ministri A. Aimaǵambetov, sondai-aq Mádeniet jáne sport vitse-ministri E. Ramazanov baiandady.
Qazirgi tańda Ult josparynyń 100 qadamynyń 65-i oryndaldy.
Biyl Ult josparynyń 10 qadamyn oryndaý josparlanǵanú Atap aitsaq: keden jáne salyq júielerin reformalaý jáne integratsiialaý, kásiptik-tehnikalyq jáne joǵary bilim berý júiesin jetildirý, jol-kólik infraqurylymy men energiia únemdeý salalaryna strategiialyq investorlardy tartý, jeke meditsinany damytý jáne meditsinalyq mekemelerde korporativtik basqarýdy engizý, memlekettik fýnktsiialardy básekelestik ortaǵa berý, memlekettik organdar men ákimdikter janyndaǵy qoǵamdyq keńesterdiń rólin kúsheitý.
Úkimet basshysy Ult jospary men QR Prezidentiniń 2019 jylǵy 2 qyrkúiektegi Joldaýyn tolyq ári sapaly júzege asyrý boiynsha belsendi jumysty jalǵastyrýdy tapsyrdy.
«Investitsiialar tartý kólemin arttyrý, investitsiialyq ahýaldy jetildirý jáne eksportty yntalandyrý, memlekettik basqarý reformasyn júrgizý, onyń ishinde memlekettik qyzmetkerler men kvazimemlekettik sektor qyzmetkerleriniń sanyn ońtailandyrý, salyq júiesin jańǵyrtý, sapasyz bilim beretin joǵary oqý oryndarynyń qyzmetin toqtatý, dene shynyqtyrý men buqaralyq sportty damytý jáne t. b. jónindegi jalpyulttyq jospardyń tarmaqtaryna erekshe kóńil bólindi», - delingen habarlamada.
