Memleket basshysy Premer-Ministr Asqar Mamindi qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa elimizdiń biylǵy 11 aidaǵy áleýmettik-ekonomikalyq damýy jáne azyq-túlik qaýipsizdigin qamtamasyz etý sharalary, infliatsiiamen kúres, sanitarlyq-epidemiologiialyq ahýal jóninde esep berildi.
Asqar Mamin Qazaqstannyń ekonomikasy pandemiia jaǵdaiyna sátti beiimdelip, ekonomikalyq ósimniń qarqyndy damyp kele jatqanyn aitty. 11 aidyń qorytyndysy boiynsha IJÓ 3,8 paiyzǵa artqan.
Prezidentke biylǵy qańtar-qazan ailary aralyǵyndaǵy syrtqy saýda ainalymynyń kórsetkishteri týraly málimet berildi. Premer-Ministrdiń málimetine sáikes syrtqy saýda kólemi 82,2 milliard dollardy qurady. Bul byltyrǵy osy kezeńdegi kórsetkishpen salystyrǵanda 14,1 paiyz artyq. Sonymen qatar eksporttyń kólemi 23,5 paiyzǵa kóbeiip, 49,1 milliard dollarǵa deiin jetken. Al óńdelgen taýarlardyń eksporty 24,4 paiyzǵa artqan. Saýda teńgerimi 16 milliard dollarǵa jetken.
Memleket basshysyna azyq-túlik qaýipsizdigin qamtamasyz etý, áleýmettik mańyzy bar azyq-túliktiń baǵasyn turaqtandyrý, Infliatsiiaǵa qarsy is-qimyldyń keshendi sharalaryn júzege asyrý jóninde baiandaldy.
Sonymen qatar Qasym-Jomart Toqaevqa elimizdegi sanitarlyq-epidemiologiialyq ahýal, sonyń ishinde halyqqa vaktsina salý jumystarynyń qarqyny týraly málimet berildi.
Asqar Mamin Prezidentke syrtqy jáne ishki investitsiialardy tartý isin kúsheitýge, shaǵyn jáne orta biznestiń áleýetin arttyrýǵa, óńirlerdi damytýǵa, óńdeý sektorynyń ósimi esebinen ekonomikanyń qurylymdaryn odan ári ártaraptandyrýǵa baǵyttalǵan sharalardyń júzege asyrylý barysy týraly aitty.
