QR Premer-Ministri Asqar Mamin BAQ ókilderimen kezdesýde Sberbankpen jasalǵan memorandýmǵa qatysty pikir bildirdi, dep habarlady QazAqparat.
«Taǵy da qaitalap aitqym keledi: birinshi kezekte biz úshin jeke derekterdi qorǵaý men aqparattyq qaýipsizdik basymdyqta bolady. Tek qana «Sber» platformasy bizge kodtardy alýǵa jáne kodtardy aqparattyq qaýipsizdik organdarynda saqtaýǵa múmkindik beredi. Iaǵni shyn máninde biz jeke derekterdiń qorǵalýyn qamtamasyz etýge kepildik beremiz. Jáne árine eń basty shart – bizdiń ári qarai da tsifrlyq transformatsiialanýymyz. Bizde Qazaqstanda 400-ge jýyq aqparattyq júie bar, olardyń bir-birimen ózara árekettesýi tómen deńgeide, derekter aiyrmashylyǵy bar jáne bul árdaiym tiimdi bola bermeidi. Platformalyq sheshimder arqyly biz bul máseleni sheshe alamyz dep úmittenemiz», - dedi Mamin.
Úkimet basshysy bul jumysqa jergilikti qazaqstandyq IT-sektor da tartylatynyn atap ótti.
«IT-sektor men qosymshalardy damytý úshin biz mindetti túrde ózimizdiń IT-sektordy tartamyz. Sondyqtan bizdiń azamattarymyzda tsifrlyq táýelsizdiktiń joǵalýy nemese jeke derekterdiń qoldy bolýy jóninde alańdaýshylyq bolmaýy tiis. Bul úshin biz jaýaptymyz. Úkimet jaýapty. Jáne biz bul mindetti qamtamasyz etemiz. Biraq memleketimizdiń odan ári damýy turǵysynan, tsifrlyq transformatsiia turǵysynan bul jai ǵana qajettilik. Biz osy baǵytta jumys isteýimiz kerek jáne seriktes retinde búginde «Sber» tobymen jumys istep jatyrmyz», - dedi Asqar Mamin.
