QR Premer-Ministri Asqar Mamin «Resei temir joldary» AAQ bas direktory – basqarma tóraǵasy Oleg Belozerovpen kezdesý ótkizdi, dep habarlaidy "Ult aqparat" primeminister.kz saityna silteme jasap.
Taraptar temirjol kóligi jáne logistika salasyndaǵy yntymaqtastyqty ekijaqty formatta da, Eýraziialyq ekonomikalyq odaq sheńberinde de nyǵaitý máselelerin talqylady. «Birlesken kóliktik-logistikalyq kompaniia – Eýraziialyq temirjol aliansy» AQ («BKLK ERA») odan ári damytý perspektivalary qaraldy. Atalǵan integratsiialyq joba Qazaqstan, Resei jáne Belarýs aýmaǵy arqyly «Qytai – Eýropa» baǵyty boiynsha turaqty poiyzdar quramynda tranzittik konteinerlik tasymaldaý qyzmetterin qamtamasyz etýge baǵyttalǵan. «Qazaqstan óziniń kóliktik-logistikalyq áleýetin arttyrýǵa erekshe kóńil bóledi. Temir joldardy odan ári damytý, aimaqtaǵy saýda men tranzit kólemderin arttyrý – biz úshin óte mańyzdy jáne basym mindetter», — dedi A. Mamin.
2020 jyly pandemiiaǵa qaramastan, «Qytai – Eýropa» baǵyty boiynsha Qazaqstan aýmaǵy arqyly tranzitpen júkterdi konteinerlermen tasymaldaý kólemi 517,5 myń JFE qurady, bul 2019 jylǵy kórsetkishten 65%-ǵa artyq. Qazaqstan men Resei arasyndaǵy júk tasymaldaý kólemi 2020 jyly 85,6 mln tonnadan asty. Osy jyldyń I toqsanynda eki el arasyndaǵy konteinerlik tasymaldar 2020 jyldyń sáikes kezeńimen salystyrǵanda 57%-ǵa ósti.
Kezdesýge QR Premer-Ministriniń orynbasary Roman Skliar men «Qazaqstan temir joly» UK» AQ basqarma tóraǵasy Nurlan Saýranbaev qatysty.
