QR Premer-Ministri Asqar Mamin «One Web» britan kompaniiasynyń bas atqarýshy direktory A. Shtekeldi qabyldady, dep habarlaidy "Ult aqparat" Úkimet basshysynyń baspasóz qyzmetine silteme jasap.
A. Shtekel osy jyldyń 7 aqpanynda Baiqońyr ǵarysh ailaǵynan «One Web» ázirlegen jahandyq jerserik jelisi aiasynda 34 jerserikti ushyrý daiyndyǵy týraly baiandady. Biyl barlyǵy Baiqońyr ǵarysh ailaǵynan 8 ushyrýdy júzege asyrý kózdelgen. Jahandyq jerseriktik jeli 1200 shaqyrym biiktikte 12 orbita jazyqtyǵynda 504 spýtnikten turatyn bolady. Jerseriktik jelini tolyq paidalanýǵa berý jáne QR aýmaǵynda qyzmet kórsetýi 2021 jyldyń sońyna boljanǵan.
Taraptar Qazaqstan aýmaǵyn, sonyń ishinde shalǵaidaǵy jáne jetýge joly qiyn aýdandardy bailanys spýtnikteri arqyly joǵary jyldamdyqty keńjolaqty internetpen qamtý jónindegi jobany iske asyrý perspektivalaryn talqylady.
Nur-Sultan qalasyndaǵy Ulttyq ǵarysh ortalyǵynyń janyndaǵy Ǵarysh apparattarynyń qurastyrý-synaý kesheniniń bazasynda «One Web» úshin jerserikter qurastyrý jobasyn iske asyrý múmkindikteri, sondai-aq odan keiin Ortalyq Aziia, Kavkaz, Iran, Aýǵanstan elderine «One Web» jerseriktik internetin ekskliýzivti distribýtsiialaýmen QR aýmaǵynda shliýz stantsiiasyn ornalastyrý boiynsha birlesken kásiporyn qurý máselesi qaraldy.
«One Web» kompaniiasy Internet jáne jyldamdyǵy joǵary derekterdi jetkizý (qoldanýshy terminalyna 5-50 Mbit/s) jelisine qoljetimdilik boiynsha qyzmetterdi usyný úshin ǵalamdyq tómen orbitaly jerserik jelisin jasaidy.
