Táýelsizdik kúnine orai QR Premer-Ministri Asqar Mamin ministrlikter men vedomstvolardyń qyzmetkerlerine Qazaqstan Respýblikasynyń Prezidenti Qasym-Jomart Toqaevtyń Jarlyǵymen berilgen memlekettik nagradalardy tabystady, dep habarlaidy "Ult aqparat" primeminister.kz-ke silteme jasap.
«Qazaqstannyń Tuńǵysh Prezidenti – Elbasy Nursultan Nazarbaev jáne Memleket basshysy Qasym-Jomart Toqaev bizdiń aldymyzǵa ekonomikanyń turaqty ósimi men azamattardyń ál-aýqatyn arttyrý mindetin qoidy. Óńirlerdi damytýǵa zor kóńil bólinýde. Biyl aýqymdy jumystar júrgizildi – 11 aidyń qorytyndysy boiynsha el ekonomikasynyń ósimi 4,4%-ǵa jetti», — dep A. Mamin jinalǵandardyń barlyǵyn alda kele jatqan Táýelsizdik kúnimen quttyqtady.
Elimizdiń áleýmettik-ekonomikalyq damýyna qosqan úlesi úshin «Qurmet» ordenimen densaýlyq saqtaý vitse-ministri L. Aqtaeva, aýyl sharýashylyǵy vitse-ministri R. Qurmanov, qarjy vitse-ministri T. Saveleva, Ulttyq ekonomika ministrligi Komitetiniń tóraǵasy N. Aidapkelov, Qarjy ministrligi Komitetiniń tóraǵasy M. Sultanǵaziev, Aýyl sharýashylyǵy ministrligi Komiteti tóraǵasynyń orynbasary A. Mars, Premer-Ministr Keńsesi basshysynyń orynbasary A. Jákenov, Premer-Ministr Keńsesiniń Bólim meńgerýshisi E. Omarov marapattaldy.
QR Prezidentiniń tósbelgisimen alǵys indýstriia jáne infraqurylymdyq damý birinshi vitse-ministri Q. Óskenbaevqa, Densaýlyq saqtaý ministrligi Komitetiniń tóraǵasynyń orynbasary – QR Bas memlekettik sanitarlyq dárigeri J. Bekshinge, Aqparat jáne qoǵamdyq damý ministrligi Komitetiniń tóraǵasy L. Súiindikke tabystaldy.
«Shapaǵat» medalimen «Múgedekterge arnalǵan ońaltý ortalyǵy» KMM direktory M. Ábdikárimov jáne «Green TAl»áleýmettik sheberhanasynyń negizin salýshy E. Askerov marapattaldy.
«Eren eńbegi úshin» medalimen qarjy vitse-ministri R. Eńsebaev, Ulttyq ekonomika ministrligi Komitetiniń tóraǵasy A. Darbaev, Indýstriia jáne infraqurylymdyq damý ministrliginiń Komiteti tóraǵasynyń orynbasary A. Ydyrysov, Ekologiia, geologiia jáne tabiǵi resýrstar ministrligi Komitetiniń tóraǵasynyń orynbasary T. Sátiev jáne Premer-Ministr Keńsesiniń birqatar qyzmetkerleri marapattaldy.
«Nur Otan» partiiasynyń marapaty — «Belsendi qyzmeti úshin» tósbelgisi Premer-Ministrdiń Birinshi orynbasary – Qarjy ministri Á. Smaiylovqa, Indýstriia jáne infraqurylymdyq damý ministri B. Atamqulovqa, Saýda jáne integratsiia ministri B. Sultanovqa, Premer-Ministr Keńsesiniń basshysy Ǵ. Qoishybaevqa jáne Premer-Ministrdiń keńesshisi Ǵ. Ábdirahymovqa tabystaldy.
Premer-Ministr Keńsesiniń birqatar qyzmetkerleri memlekettik organdardaǵy úlgili qyzmeti úshin «Eren eńbegi úshin» medalimen, «Úzdik memlekettik qyzmetshi» tósbelgisimen, «Qazaqstan Respýblikasynyń qurmet gramotasymen» jáne «Premer-Ministrdiń alǵysymen» marapattaldy.
