QR Premer-Ministri Asqar Mamin Halyqaralyq valiýta qorynyń (HVQ) Qazaqstan boiynsha missiiasynyń basshysy Mark Hortonmen kezdesti, dep habarlaidy primeminister.
QR Premer-Ministri Asqar Mamin Qazaqstan boiynsha missiiasynyń basshysy Mark Hortonnyń jetekshiligimen Halyqaralyq valiýta qorynyń (HVQ) sarapshylarymen kezdesý ótkizdi.
Úkimet basshysyna Qazaqstandaǵy ekonomikalyq ahýal týraly HVQ saraptamalyq baǵalaýlary men boljamdary usynyldy, olar biylǵy qarasha aiyndaǵy Qor qyzmetkerleriniń Qazaqstan Respýblikasyna saparynyń qorytyndysy boiynsha missiianyń Qorytyndy málimdemesine engizilgen.
Missiia Qazaqstandaǵy ekonomikalyq ósýdiń joǵary qarqyny saqtalǵanyn naqtylady, bul negizinen munailyq emes sektordyń, eń aldymen, qurylys jáne kórsetiletin qyzmetter salasynyń esebinen qamtamasyz etildi.
«Aldyn-ala baǵalaýlar úshinshi toqsandaǵy údeýdi kórsetedi. Basty faktorlar – tutyný kóleminiń artýy jáne investitsiialyq qyzmettiń jalǵasýy. Bul biýdjettiń qoldaýymen, bólshek nesielendirýdiń joǵary ósimimen, sondai-aq, munai-gaz salasyndaǵy investitsiialyq jobalarmen sebepteledi», — delingen HVQ missiiasynyń Qorytyndy málimdemesinde.
Úkimet basshysy Qazaqstan ekonomikasy osy jyldyń 10 aiynyń qorytyndysy boiynsha turaqty ósý betalysyn kórsetip otyrǵanyn atap ótti. Qazaqstannyń JIÓ ótken jyldyń sáikes kezeńimen salystyrǵanda 4,4%-ǵa artty.
Taraptar aqsha-nesie, baǵam, salyq-biýdjet saiasaty, bank salasyndaǵy ahýal, Qazaqstanda júrgizilip jatqan ekonomikadaǵy qurylymdyq reformalar, sondai-aq, 2020 jyly Almatyda Kavkaz, Ortalyq Aziia jáne Mońǵoliia elderine arnalǵan HVQ-nyń tehnikalyq kómek boiynsha Aimaqtyq ortalyǵynyń ashylýy máselelerin talqylady.
Kezdesýge Premer-Ministrdiń birinshi orynbasary – qarjy ministri Á. Smaiylov, ulttyq ekonomika ministri R. Dálenov, saýda jáne integratsiia ministri B. Sultanov, indýstriia jáne infraqurylymdyq damý ministri B. Atamqulov, syrtqy ister ministriniń orynbasary E. Kósherbaev jáne basqa da vedomstvolardyń ókilderi qatysty.
HVQ missiiasy HVQ Kelisimniń IV babyna sáikes jyl saiynǵy konsýltatsiialar ótkizý úshin jylyna eki ret Qazaqstanǵa keledi.
