Elimizde pandemiiamen bailanysty jaǵdai áli de kúrdeli, biraq baqylaýda. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Memleket basshysynyń tapsyrmalaryn oryndaý boiynsha júieli jumys júrgizilýde. Qazir bizdiń basty mindetimiz sanitariialyq-epidemiologiialyq jaǵdaidy turaqtandyrý jáne koronavirýs infektsiiasyna qarsy jappai vaktsinatsiialaýmen qamtýdy arttyrý bolyp tabylady», - dedi ol.
Úkimet basshysy pandemiiamen bailanysty jaǵdai áli de kúrdeli, biraq baqylaýda ekenin basa aitty.
«Degenmen 8 óńir «qyzyl aimaqta». Virýstyń reprodýktivtilik indeksi – 1,06. Aýrýhanalardaǵy oryndardyń júktelýi – 41, reanimatsiialyq bólimderdegi oryndar – 27 paiyz», - dedi Asqar Mamin.
Osyǵan bailanysty Premer-Ministr birqatar tapsyrma berdi.
«Birinshi. Halyqty, ásirese qamtylýy tómen óńirlerde vaktsinatsiialaýmen qamtýdy keńeitý qajet. Sáýir aiynyń sońyna deiin jáne ai saiyn 2 mln adamdy vaktsinamen qamtamasyz etý jónindegi jospardy naqty oryndaý kerek. Ekinshi. Densaýlyq saqtaý ministrligi, ákimdikter sapaly meditsinalyq kómek kórsetilýin, meditsina uiymdarynyń qajetti dárilik zattarmen jáne meditsinalyq buiymdarmen qamtamasyz etilýin únemi monitoringtep tursyn», - dedi Úkimet basshysy.
Úshinshiden Premer-Ministr ákimdikter Densaýlyq saqtaý, Ishki ister ministrlikterimen, «Atameken» ulttyq kásipkerler palatasymen birlesip, mobildi monitoringteý toptarynyń belsendi qatysýymen halyqtyń sanitariialyq-epidemiologiialyq talaptardy saqtaýyn qamtamasyz etýi kerektigin basa aitty.
