QR Premer-Ministri Asqar Mamin Qazaqstan halqyn Alǵys aitý kúnimen quttyqtady, dep habarlaidy "Ult aqparat" úkimettiń resmi saityna silteme jasap.
«Qymbatty otandastar, barshańyzdy 1 naýryz – Alǵys aitý kúnimen quttyqtaimyn! Tuńǵysh Prezident – Elbasy Nursultan Ábishuly Nazarbaev belgilegen bul mereke ózara senim men izgiliktiń, meiirimdiliktiń, sondai-aq kópultty Qazaqstan halqynyń ortaq tarihi murasynyń simvolyna ainaldy. Biz barlyq kezde bereke-birliktiń arqasynda kez kelgen synaqtan súrinbei ótip, alǵa qoiǵan maqsattarymyzǵa qol jetkize aldyq. Qazaqstandyqtardyń qasterli qundylyqtary – aýyzbirshilik, toleranttylyq pen ózara túsinistik aldaǵy ýaqytta da bizdiń ortaq shańyraǵymyz – Qazaqstan Respýblikasyn odan ári damytýda myzǵymas tiregimiz bolyp qala beredi dep senemin. Qazaqstandaǵy tatýlyq pen kelisim úshin, sondai-aq Otanymyzdyń ósip-órkendeýi jolyndaǵy adal eńbekterińiz úshin shynaiy alǵys aitamyn! Barlyq qazaqstandyqtarǵa, ár otbasyna zor densaýlyq jáne amandyq tileimin!», - delingen quttyqtaýda.
