2020 jyl - sońǵy 100 jyldaǵy eń daǵdarystyq kezeń boldy. Bul týraly QR Parlamenti palatalarynyń birlesken otyrysynda Premer-Ministr Asqar Mamin aitty, dep habarlaidy QazAqparat.
«QR Tuńǵysh Prezidenti – Elbasy Nursultan Ábishuly Nazarbaevtyń strategiialyq baǵytyna jáne Memleket basshysy Qasym-Jomart Kemeluly Toqaev belgilegen mindetterge sáikes Úkimet eldiń áleýmettik-ekonomikalyq turaqtylyǵyn qamtamasyz etý boiynsha Parlamentpen birlesip, tiimdi jumys júrgizýde. 2020 jyl - halyqaralyq sarapshylardyń baǵalaýy boiynsha sońǵy 100 jyldaǵy eń daǵdarystyq kezeń boldy. Koronavirýs pandemiiasy álemdik ekonomikanyń damý jaǵdaiyn jáne onyń qurylymyn túbegeili ózgertti. Sonymen qatar, jańa áleýmettik-ekonomikalyq úrdister qalyptasty», - dedi Úkimet basshysy.
Onyń atap ótýinshe, Úkimet QR Parlamentimen belsendi ózara is-qimyl jasai otyryp, osyndai kúrdeli kezeńde, azamattar men biznesti qoldaýǵa baǵyttalǵan asa mańyzdy sheshimderdi der kezinde qabyldady.
Buǵan QR Parlamenti orasan zor úles qosty.
«Osy sátti paidalanyp, Parlamenttiń qos palatasynyń barlyq depýtattaryna syndarly jáne nátijeli jumys úshin alǵys aitqym keledi. Aýqymdy jáne ýaqtyly qoldaý sharalaryn, sondai-aq kontrtsikldi makroekonomikalyq saiasatty iske asyrý 2020 jyly Qazaqstan ekonomikasynyń tómendeýin 2,6 paiyzǵa deiin, al negizgi kapitalǵa investitsiianyń azaiýyn 3,4 paiyzǵa shekteýge múmkindik berdi», - dedi Asqar Mamin.
