Belsendi Janbolat Mamai men Inga Imanbai jýrnalistik tájiribeniń tym azdyǵynan óz zertteýlerinde anonimdi telegram-kanaldarǵa silteme jasaǵan. Bul týraly sotta Baýyrjan Baibektiń múddesin qorǵap jatqan zańger Aijan Táshenova aitty. Osylaisha "Mamai ózin áý bastan-aq tyǵyryqqa tiredi" deidi ol.
Aita keteiik, Mamai men Imanbaidyń sáýir aiynda jariialaǵan birneshe videomaterialynda aitylǵan derekter «Uzyn Qulaq» telegram-kanaly men «BASE» YouTube-kanalynan alynǵan. Olardyń alǵashqysy anonimdi kanal bolsa, ekinshisin Ýkrainada qashyp júrgen Sadykovtar otbasy júrgizedi.
«Mamai men Imanbai sot protsesi kúni jariialanǵan kezde ǵana «esin jiyp», advokat jaldap, óz sózderine dálel izdei bastady. Olar bir emes, úsh birdei qorǵaýshy jaldady. Alaida sotqa daiyndaǵan jaýaptyń sapasyna qarap, bul advokattar Mamai men Imanbaevaǵa kómektese almaityn sekildi. Sondyqtan da olar naqty dálelmen sóileýdiń ornyna taqyrypty basqa jaqqa burmalaýmen boldy. Iaǵni, dálelderiniń joǵyn kórsetti», - dedi Aijan Táshenova.
Zańger buǵan deiingi otyrystarda Baibekke qarsy aitylǵan aiyptardy joqqa shyǵaratyn resmi qujattardy túgeldei tapsyrǵanyn taǵy eske saldy.
