بەلسەندٸ جانبولات ماماي مەن ينگا يمانباي جۋرناليستٸك تەجٸريبەنٸڭ تىم ازدىعىنان ٶز زەرتتەۋلەرٸندە انونيمدٸ تەلەگرام-كانالدارعا سٸلتەمە جاساعان. بۇل تۋرالى سوتتا باۋىرجان بايبەكتٸڭ مٷددەسٸن قورعاپ جاتقان زاڭگەر ايجان تەشەنوۆا ايتتى. وسىلايشا "ماماي ٶزٸن ەۋ باستان-اق تىعىرىققا تٸرەدٸ" دەيدٸ ول.
ايتا كەتەيٸك, ماماي مەن يمانبايدىڭ سەۋٸر ايىندا جارييالاعان بٸرنەشە ۆيدەوماتەريالىندا ايتىلعان دەرەكتەر «Uzyn Qulaq» تەلەگرام-كانالى مەن «باسە» YouTube-كانالىنان الىنعان. ولاردىڭ العاشقىسى انونيمدٸ كانال بولسا, ەكٸنشٸسٸن ۋكراينادا قاشىپ جٷرگەن سادىكوۆتار وتباسى جٷرگٸزەدٸ.
«ماماي مەن يمانباي سوت پروتسەسٸ كٷنٸ جارييالانعان كەزدە عانا «ەسٸن جيىپ», ادۆوكات جالداپ, ٶز سٶزدەرٸنە دەلەل ٸزدەي باستادى. ولار بٸر ەمەس, ٷش بٸردەي قورعاۋشى جالدادى. الايدا سوتقا دايىنداعان جاۋاپتىڭ ساپاسىنا قاراپ, بۇل ادۆوكاتتار ماماي مەن يمانباەۆاعا كٶمەكتەسە المايتىن سەكٸلدٸ. سوندىقتان دا ولار ناقتى دەلەلمەن سٶيلەۋدٸڭ ورنىنا تاقىرىپتى باسقا جاققا بۇرمالاۋمەن بولدى. ياعني, دەلەلدەرٸنٸڭ جوعىن كٶرسەتتٸ», - دەدٸ ايجان تەشەنوۆا.
زاڭگەر بۇعان دەيٸنگٸ وتىرىستاردا بايبەككە قارسى ايتىلعان ايىپتاردى جوققا شىعاراتىن رەسمي قۇجاتتاردى تٷگەلدەي تاپسىرعانىن تاعى ەسكە سالدى.
