Tsifrly ónimderdi zertteýshi reseilik maman Elvina Nasibýlina telefon batareiasynyń merziminen buryn eskirýine ákeletin qatelikterdi atady, dep habarlaidy NUR.KZ Rossiiskaia Gazeta basylymyna silteme jasap.
Sonymen qatar, sarapshy Qytaidan ákelingen "ámbebap qýattaǵyshtardy" paidalanbai, túpnusqa adapterlerdi paidalanýdy usyndy. Elvina Nasibýlinanyń aitýynsha, telefon qýaty tolyq taýsylǵanyn kútýdiń qajeti joq.
"Batareiadaǵy qýat deńgeii 10-15 paiyz bolǵan ýaqytta qurylǵyny toqqa qosý kerek. Smartfon batareiasy úshin 20 paiyzdan tómendemegen jáne 80 paiyzdan aspaǵan qýat deńgeii óte qolaily bolyp sanalady", - dedi maman.
Eger telefon qýaty tez taýsylatyn bolsa, parametrden qýat statistikasyn tekserý qajet. Aitarlyqtai aqaý baiqalsa, birden jóndetýge aparǵan durys.
Esterińizge sala ketsek, buǵan deiin telefonda qupiia jáne jeke málimet bar habarlamalardy, qupiiasózder men bankterden keletin habarlardy saqtaýǵa bolmaityny týraly jazǵan edik.
Sarapshy mamandar alaiaqtardyń jeke kabinetke kirýge arnalǵan bir rettik siltemeni qoldanatynyn jetkizdi. Olar ádette sms arqyly jiberiledi.
Budan bólek, qupiia sóz bar habarlamalardy joiý kerektigi eskertildi.
Qosymsha qorǵanys retinde telefonǵa qiyn qupiiasóz qoiyp, qoldyń izi nemese Face ID-men qorǵaý usynyldy.
