QR Prezident Ákimshiligi Basshysynyń orynbasary Málik Myrzalin sailanǵan ákimderdiń ókileti qalai keńeietinin aitty, dep habarlaidy QazAqparat.
«Jýyq arada aýyl ákimderiniń ókilettikterin keńeitý kózdelip otyr. Iaǵni birqatar ókilet aýdandyq deńgeiden aýyldyq deńgeige beriledi», - dedi Málik Myrzalin «Habar 24» telearnasyna bergen suhbatynda.
Onyń aitýynsha aýyl men aýyldyq okrýg ákimderiniń quzyryna myna máseleler kirmek:
qoǵamdyq oryndardy abattandyrý jáne syrtqy bezendirý máselelerin sheshý;
kommýnaldyq qaldyqtardy suryptap jinaýdy uiymdastyrý;
aqparattyq júielerdi qoldana otyryp, elektrondyq qyzmetterdi satyp alý jáne taǵy basqa.
«Iaǵni, birtalai ókilet beriledi. Bul aýyl ákimderiniń jaýapkershilik aiasyn odan ári keńeitedi. Tek sol ókiletterdi durys paidalana bilý kerek», - dedi Málik Myrzalin.
Aitýynsha, sailanǵan 864 ákimniń 77,7%-y nemese 671 adam – Nur Otan-nyń ókili. «Aýyl» partiiasynan 3,8% iaǵni 33 adam ákim atansa, «Adal» partiiasynan 1,7%, iaǵni 15 ákim, «Aqjol» partiiasynan 1,4% nemese 12 adam, Qazaqstan halyq partiiasynan 1,3% nemese 11 adam jáne JSDP-dan 0,1%, iaǵni 1 adam sailanǵan.
