Jarty jyl ishinde aýyl ákimderiniń úshten biri jańardy. Bul týraly QR Prezidenti Ákimshiligi Basshysynyń orynbasary Málik Myrzalin «Habar 24» telearnasyna bergen suhbatynda aitty, dep habarlaidy QazAqparat.
«Biyl 864 jańa ákim sailandy. Nebári jarty jyldyń ishinde aýyl ákimderiniń úshten biri jańarǵanyn anazar aýdar kerek», - dedi Málik Myrzalin.
Ol sondai-aq aýyl ákimderiniń sailaýyna daýys berýshilerdiń belsendi qatysqanyn atap ótti.
«El boiynsha sailaýshylardyń qatysý deńgeii 78,5% boldy. Aýyldyq okrýgterdiń halqy árdaiym sailaýǵa belsendi qatysady. Bul ne degen sóz? Birinshiden, aýyldy kim basqaratyny olar úshin mańyzdy. Birneshe kún buryn men Strategiialyq zertteýler ortalyǵynyń taldaýyn oqydym. Ol boiynsha aýyl turǵyndarynyń 65%-y ákimderdi tikelei sailaý júiesin engizý halyqtyń turmysyn aldaǵy tórt jylda jaqsartady dep esepteidi. Bul aýyldyq okrýg ákimderin tikelei sailaý týraly Memleket basshysynyń bastamalaryn halyqtyń qoldaitynyn bildiredi», - dedi M.Myrzalin.
