Osydan birneshe kún buryn ǵana QR Bilim jáne ǵylym ministri Erlan Saǵadiev mektepke oqýgshylar dini kiimdermen kirgizilmeitini týraly sońǵy sózin aitqan bolatyn. Soǵan qaramastan Túrkistan oblysy Maqtaral aýdanyna qarasty Firdoýsi aýylyndaǵy tájik mektebiniń oqýshy qyzdary mektepke jappai hidjab kiip kelgen. Mektep qyzmetkerleri olardy ǵimaratqa kirgizgen joq.
Atalǵan sát túsirilgen videorolik áleýmettik jelilerdi sharlap júr. Videony ata-analardyń biri túsirgen. Ol balalardyń jáne óziniń quqyǵy aiaqqa taptalyp jatqanyn aityp, mektep qyzmetkeriniń ózin urǵanyn aitady. Alaida, videorolikte eshkimniń oǵan qol kótermegeni anyq kórinip tur.
Aita keterligi, mektepke hidjab kiip kelgen qyzdardyń sany óte kóp. Olardyń birazy ǵimaratqa kúshpen kirmek bolǵan. Alaida, esik aýzyndaǵy kúzet eshkimdi ishke jibermedi. Videokadrlardan hidjabqa oranǵan ondaǵan qyzdyń mektep aýlasynda turǵanyn ańǵarýǵa da bolady.
