Túrkistan oblysynda qumar oiyn arqyly aqshańdy kóbeitip beremin dep aldap, elge 8 000 000 shyǵyn keltirgen jas qyz anyqtaldy, dep habarlaidy QazAqparat.
Maqtaaral aýdandyq politsiiasyna Shardara aýdanynyń turǵynynan aryz kelip túsken.
Jábirlenýshi áieldiń aitýynsha «Vatsap» áleýmettik jelisi arqyly belgisiz azamatsha aqsha berseń, qumar oiyny arqyly kóbeitip beremin dep aldaǵanyn kórsetken.
Iaǵni kúdikti salǵan aqshań eselep qaitarylatyn bolady dep sendirip, 1 000 000 teńgeden astam aqsha alǵan.
Alaida aradan birshama ýaqyt ótkende telefonyn kótermei, bailanysqa shyqpai qoiǵan.
Sodan alaiaqqa aldanǵanyn túsingen turǵyn, birden politseilerdiń kómegine júgindi. Atalǵan derek QK 190-baby, iaǵni «Alaiaqtyq» qylmystyq quqyq buzýshylyǵy boiynsha tirkeldi.
Turǵyndy aldap, aqshasyn qaltasyna basqan alaiaqty ustaý úshin tájiribeli tártip saqshylarynan jedel-tergeý toby quryldy.
Jábirlenýshiniń aqsha salyp jibergen bank qosymshasy arqyly kúdiktiniń jeke-basy anyqtaldy. Politsiia qyzmetkerleri osy qylmystyń ashylyp, kúdiktiniń ustalýy boiynsha júieli jumystardy júrgizdi.
Tártip saqshylarynyń jedel áreketi nátijesinde, alaiaq áieldiń jergilikti turǵyn ekeni belgili boldy.
Politseiler kúdiktiniń jeke basyn anyqtap, birden PB-ǵa jetkizdi. Qazirgi tańda atalǵan jait boiynsha tergeý amaldary júrgizilýde.
Belgili bolǵandai kúdikti jas qyz osyndai syltaýmen taǵy 19 turǵynan 50 000-800 000 teńge aralyǵynda aqsha alyp otyrǵan. Osylaisha jalpy 8 000 000 teńgege jýyq shyǵyn keltirgen.
Túrkistan oblysynyń politseileri oblys turǵyndaryna tanys emes azamattarǵa senbeýdi, alaiaqtyń arbaýyna túsip qalmaýdy eskertedi.
Sondai-aq jeke málimetterdi, ne bolmasa aqshany áleýmettik jeli arqyly eshkimge jibermeýge keńes beredi.
