Álihan Smaiylovqa prezidentimiz de, halyq ta barlyq múmkindikti berip, zor senimmen qarap otyr. Sol senimdi aqtasa eken. «Ákeler odaǵy» respýblikalyq qoǵamdyq birlestiginiń tóraǵasy Maqsutbek Aitmaǵanbet jańa Úkimet basshysynyń taǵaiyndalýyna qatysty sheshimin qoldaidy, dep habarlaidy Abai.kz portaly.
"Álihan Smaiylov myrza jaily aitý áli erterek. Úkimet tolyǵymen jasaqtalǵanda ǵana pikir bildirgen durys siiaqty. Ol ózi jalǵyz emes, kabinet bolyp jumys atqaratyn bolǵandyqtan ministrlikterge halyqqa jany ashityn, qara halyqtyń qalai kún kórip jatqanyn ishten biletin adamdardyń kelgeni durys. Kólikterinen túspei, halyqqa mashinasynyń terezesinen qaraityn bastyqtardyń ýaqyty ótkenin árkim túsingen shyǵar. Sondyqtan, úkimetke ultjandy adamdar kelý kerek. Bári soǵan bailanysty bolady. Al Álihan Smaiylovqa prezidentimiz de, halyq ta barlyq múmkindikti berip, zor senimmen qarap otyr. Sol senimdi aqtasa eken", - dedi ol.
Maqsutbek Aitmaǵanbet "Estýshi memleket” atty kontseptsiiasyna qatysty oiyn da bildirdi. "Eń bastysy, el aýyzynda talai ýaqyt aitylyp júrgen nárselerdi Prezident Toqaevtyń ýysynan estigenime rizamyn. Barlyq máseleler budan bylai tek qana ashyq aitylyp, ashyq talqylanýy kerek. Qazaqta "Halyq aitsa, qalt aitpaidy" degen sóz bar, sony umytpaiyq. "Estýshi memleket” atty kontseptsiia durys. Biraq, estigendi tez arada zerdelep, máseleni túsinip, naqty sheshimder qabyldanýy qajet. Áitpese, tek qana lozýng retinde qalyp qoiady", - dedi Qazaqstan Respýblikasy Prezidentiniń janyndaǵy Otbasy jáne áielder isteri jónindegi ulttyq komissiiasynyń múshesi.
