Ánshi Maqpal Júnisova Respýblika saraiynda aýqymdy kontsertin ótkizdi. Kesh joǵary deńgeide ótip, kórermender onyń jandy daýysta án aityp, sahnada toqtamai bilegenine tánti boldy. Alaida kontsert barysynda kútpegen sát oryn aldy. Kórermender arasynan Asqar Qulybaev shyǵyp, ánshini quttyqtap jatyp: «On shaqty kilogramm tastasań, qulpyryp shyǵasyń» dep aityp, ony yńǵaisyz jaǵdaiǵa qaldyrdy, dep habrlaidy Ult.kz aqparat portaly.
Kontsert ortasynda tyńdarman sahnaǵa shyǵyp, ánshige tilek aitýmen qatar artyq salmaqtan arylý kerek ekenin de sóz etti.
«10 shaqty kelidei tastasań, baiaǵy qyzdai bolasyń. Baiaǵyda meniń qalai 60-jyldyqqa qalai bilegenimdi, qalai óleń aitqanymdy bilesiń be? Nazarbaevtan basqasynyń báriniń aýzy ashylyp qalǵan. Sonyń barlyǵyn qaitalaýǵa bolady. Qazir ýaqyt sondai. Eger ózińdi qolǵa alsań, ózińdi-óziń ustaý kerek, tamaǵyńdy jóndeý kerek, sportpen ainalysý kerek, andai-mundai sózdermen ainalysý kerek», – dedi tyńdarman.
Mundai sózdi kútpegen ánshi irkilmesten birden jaýap berdi.
«Aiqailamańyz maǵan, buiyrmańyz. 30 jyl nege kelmedińiz, qiyn bolǵanda, maǵan nege aqsha bermedińiz. Siz bai adamsyz, milliardersiz. Meniń baiǵa shyǵatyn armanym joq, meniń figýram ózime unaidy. Myna kisi ózi meni alǵysy kelip júr ǵoi. Siz alsańyz da barmaimyn. Aman bolyńyz, úlken basyńyzdy iip, sahnaǵa shyqqańyzǵa rahmet», – dep qaljyńdap, qonaǵyn sahnadan shyǵaryp salyp, kontsertin jalǵastyrdy.
Bul sát áleýmettik jelide qyzý talqylanyp jatyr.
