ەنشٸ ماقپال جٷنٸسوۆا رەسپۋبليكا سارايىندا اۋقىمدى كونتسەرتٸن ٶتكٸزدٸ. كەش جوعارى دەڭگەيدە ٶتٸپ, كٶرەرمەندەر ونىڭ جاندى داۋىستا ەن ايتىپ, ساحنادا توقتاماي بيلەگەنٸنە تەنتٸ بولدى. الايدا كونتسەرت بارىسىندا كٷتپەگەن سەت ورىن الدى. كٶرەرمەندەر اراسىنان اسقار قۇلىباەۆ شىعىپ, ەنشٸنٸ قۇتتىقتاپ جاتىپ: «ون شاقتى كيلوگرامم تاستاساڭ, قۇلپىرىپ شىعاسىڭ» دەپ ايتىپ, ونى ىڭعايسىز جاعدايعا قالدىردى, دەپ حابرلايدى Ult.kz اقپارات پورتالى.
كونتسەرت ورتاسىندا تىڭدارمان ساحناعا شىعىپ, ەنشٸگە تٸلەك ايتۋمەن قاتار ارتىق سالماقتان ارىلۋ كەرەك ەكەنٸن دە سٶز ەتتٸ.
«10 شاقتى كەلٸدەي تاستاساڭ, باياعى قىزداي بولاسىڭ. باياعىدا مەنٸڭ قالاي 60-جىلدىققا قالاي بيلەگەنٸمدٸ, قالاي ٶلەڭ ايتقانىمدى بٸلەسٸڭ بە? نازارباەۆتان باسقاسىنىڭ بەرٸنٸڭ اۋزى اشىلىپ قالعان. سونىڭ بارلىعىن قايتالاۋعا بولادى. قازٸر ۋاقىت سونداي. ەگەر ٶزٸڭدٸ قولعا الساڭ, ٶزٸڭدٸ-ٶزٸڭ ۇستاۋ كەرەك, تاماعىڭدى جٶندەۋ كەرەك, سپورتپەن اينالىسۋ كەرەك, انداي-مۇنداي سٶزدەرمەن اينالىسۋ كەرەك», – دەدٸ تىڭدارمان.
مۇنداي سٶزدٸ كٷتپەگەن ەنشٸ ٸركٸلمەستەن بٸردەن جاۋاپ بەردٸ.
«ايقايلاماڭىز ماعان, بۇيىرماڭىز. 30 جىل نەگە كەلمەدٸڭٸز, قيىن بولعاندا, ماعان نەگە اقشا بەرمەدٸڭٸز. سٸز باي ادامسىز, ميللياردەرسٸز. مەنٸڭ بايعا شىعاتىن ارمانىم جوق, مەنٸڭ فيگۋرام ٶزٸمە ۇنايدى. مىنا كٸسٸ ٶزٸ مەنٸ العىسى كەلٸپ جٷر عوي. سٸز الساڭىز دا بارمايمىن. امان بولىڭىز, ٷلكەن باسىڭىزدى يٸپ, ساحناعا شىققاڭىزعا راحمەت», – دەپ قالجىڭداپ, قوناعىن ساحنادان شىعارىپ سالىپ, كونتسەرتٸن جالعاستىردى.
بۇل سەت ەلەۋمەتتٸك جەلٸدە قىزۋ تالقىلانىپ جاتىر.
