QR Energetika ministri Maǵzum Myrzaǵaliev Mańǵystaý oblysyndaǵy janarmai stansalary usynǵan baǵa gaz naryǵynda qashanǵa deiin saqtalýy múmkin ekeni týraly pikir bildirdi, dep habarlaidy QazAqparat.
«Mańǵystaý oblysyndaǵy janarmai stansalarynyń ieleri suiytylǵan munai gazynyń baǵasyn litrine 85-90 teńgege deiin túsirý týraly sheshim qabyldaǵany habarlandy. Degenmen baǵa qalyptasyp ketti ǵoi. Sonda janarmai stansalarynyń usynyp otyrǵan baǵasy qashanǵa deiin saqtalady. Bul bir ýaqyttyq aktsiia ǵana bolyp qalmai ma?», - dep surady BAQ ókili ortalyq kommýnikatsiialar qyzmetinde ótken brifingide.
«Ár óndiristiń ózindik quny bar. Iaǵni, qazirgi tańda Jańaózende ornalasqan «Qazaq gaz óńdeý zaýytynyń» 1 tonna gazdy óndirý quny - 98 myń teńge. Ony litrge shaqqanda, 60-70 teńge. Buǵan qosatyn «perevalkasy» bar, logistikasy bar. Sondyqtan gazdyń ózindik quny gaz taratý stansalarynda shamamen 80 teńgeni qurap otyr. Árine, ony ózindik qunynan tómen baǵaǵa satýǵa bolmaidy. Bul - tyǵyryqqa aparatyn jol. Sondyqtan biz salany damytamyz desek, osy salaǵa investitsiia ákelemiz desek, qoldanystaǵy zaýyttardyń qalypty jaǵdaida ustap turamyz desek, árine munai gazynyń baǵasyn arzandatýǵa bolmaidy», - degen vedomstvo basshysy. Búgingi baǵa osy másele boiynsha ótetin tekserýden keiin qaita naqtylanatynyn túsindirdi.
«Janarmai stansalarynyń bastamasy – áleýmettik bastama. Iaǵni, óziniń marjasymen bólisip, 100-120 teńgeden 85-90 teńgege deiin azaitty. Biz osyndai bastamany tek qoldaýymyz kerek. Bul másele óte durys. Básekelestikti qorǵaý jáne damytý agenttiginiń ókili de aitty. Qazirgi tekserý jumystary júrgizilip, baǵanyń ózin aqtaý deńgeiin anyqtap, naqty sheshimge keledi dep oilaimyn», - dedi Maǵzum Myrzaǵaliev.
