Magnýs Karlsen 11-shi partiiada Ian Nepomniashiidi utyp, shahmattan álem chempiony titýlyn saqtap qaldy, dep habarlaidy QazAqparat Euronews aqparat agenttigine silteme jasap.
Juma kúni qara figýralarmen oinaǵan norvegiialyq shahmatshy bul jeńisinen keiin matchta 7,5 ball jinap, 3,5 ball jinaǵan reseilik sportshyny jetkizbei qoidy.
Bul – 1993 jyly Garri Kasparovtyń Naidjel Shortty utqan oiynnan keiin qol jetken eń úlken jeńis.
Álemdik shahmat koronasy úshin match Dýbai qalasynda 26 qarasha kúni bastalǵan.
Alǵashqy bes partiia teń oiynmen aiaqtalǵan, altynshysynda Karlsen utty. Sondai-aq, norvegiialyq sportshy Nepomniashiidi segizinshi jáne toǵyzynshy partiialarda jeńgen.
«Árine, jeńildik sezinip otyrmyn. Jaǵdai bastapqydan-aq tym jaily bolǵannan keiin úlken qýanysh seziný qiyn, biraq... jalpy alǵanda oiynǵa kóńilim toldy», - dedi shahmattan álem chempiony Magnýs Karlsen.
2013 jyly Vishvanatan Anandtan tájdi alyp qoiǵan Karlsen shahmattan 16-shy álem chempiony atandy. Sol kezden beri ol óz ataǵyn 4 ret qorǵap shyqqan.
