Foto: Tengrinews.kz
Qostanai turǵyny politseilerdiń kózinshe kóliginiń terezelerin syndyryp tastady, - dep habarlaidy Tengrinews.kz portaly Alau.kz saityna silteme jasap.
Patrýldik politsiia qyzmetkerleri VAZ kóliginiń júrgizýshisin aiyppul týraly habarlama berý úshin toqtatqan. Quqyqbuzýshy EkinPatrolG2 kesheni kómegimen anyqtalǵan. Onyń atynda jol erejesin óreskel buzǵany úshin eki aiyppul bolǵan. Sonymen qatar, qujattardy tekserý kezinde júrgizýshide saqtandyrý polisi bolmaǵan.
"Taǵy bir óreskel zańbuzýshylyq – saqtandyrý polisiniń joqtyǵy, onsyz kólikti paidalanýǵa tyiym salynady, politseiler kólikti mamandandyrylǵan turaqqa qoiatyn boldy. Alaida, júrgizýshi ákimshilik quqyq buzýshylyq týraly hattamanyń resimdelýine teris qylyq kórsetip, "maǵan mundai kóliktiń qajeti joq" dep kóliginiń áinekterin syndyrǵan", - dedi Politsiia departamentiniń baspasóz qyzmeti ókilderi.
Tártip saqshylary er adamnyń áreketinen qoǵamdyq tártipti buzý belgilerin kórip otyr, er adamdy usaq buzaqylyq jasaǵany úshin ákimshilik jaýapkershilikke tartý máselesin qarastyryp jatyr.
Kólik arnaiy turaqqa qoiylǵan.
