Prezident Qasym-Jomart Toqaev satyp alý salasyndaǵy máselelerdi sheshýge bir ai ýaqyt beretinin málimdedi, - dep habarlaidy Tengrinews.kz tilshisi.
"Básekege qabiletsiz tásilmen satyp alýlar úlesi áli de joǵary. Baǵa parametrine ǵana nazar aýdarý satyp alynatyn taýarlar men qyzmetterdiń sapasyn ekinshi orynǵa jyljytady. Kóbinese qazaqstandyq ónim berýshilerdi óndiristi bastaý múmkindiginen aiyrady. Qazaqstanda importtyq ónim beretin bir kúndik kompaniialarǵa qatań súzgi joq. Bul problemalar shuǵyl sheshýdi talap etedi", - dedi Toqaev biznes ókilderimen kezdesýde.
Sonymen qatar, Memleket basshysy "Samuryq-Qazyna" qorynyń satyp alýlaryna erekshe nazar aýdarý kerek ekenin aitty. Máseleler tez arada sheshilýi kerek, dep tapsyrdy Prezident.
"Bir ai beremin jáne sońǵy ret. Sheshim bolmasa qatań sheshimder qabyldanady. "Platon meniń dosym, biraq shyndyq qymbat" formýlasy men úshin mańyzdy, maqsatty mánge ie ekenine kóz jetkizdim dep úmittenemin. Bul barlyq máselege qatysty. Men úshin memleket qyzyǵýshylyǵy bireýmen jaqsy qarym-qatynastan joǵary. Eger memleket úshin qajet bolsa, óte qiyn sheshimder qabyldadym jáne mundai sheshimderdi bolashaqta da qabyldai beremin", - dedi Toqaev.
