Otandyq «MadMEN» mýzykalyq toby múshelerine qatysty qylmystyq is aiaqtalý satysynda. Bul týraly QR Ishki ister ministrliginiń Esirtki qylmysyna qarsy is-qimyl departamentiniń basshysy, politsiia polkovnigi Erlan Omarbekov málim etti, dep habarlaidy QazAqparat.
«Búginde «MadMEN» mýzykalyq tobynyń direktory R.I.Hvannyń jetekshiligimen 8 qatysýshydan turatyn qylmystyq top qurý arqyly sintetikalyq esirtkini taratýǵa qatysty atyshýly fakti boiynsha qylmystyq is aiaqtalý satysynda. Biyl qańtar-sáýir ailarynda júrgizilgen jumystyń nátijesinde aiyptylardan 1,3 keliden astam «mefedron» sintetikalyq esirtki tárkilendi», - dedi Erlan Omarbekov.
Eske sala ketsek, biyl atalǵan mýzykalyq tobynyń múshelerine uiymdasqan qylmystyq top qurý jáne oǵan qatysý aiyptary taǵyldy.
Qylmystyq topty quryqtaǵan Almaty politsiiasy onyń quramynda 21 jastan 30 jasqa deiingi 10 adamnyń baryn aitqan edi.
