Jambyl oblysynda qaza bolǵan 19 jastaǵy Madina Rashidqyzyna qatysty kórshisi pikir bildirdi. Onyń sózi jazylǵan videony jýrnalist Aigerim Taýbai jariialaǵan, dep habarlaidy ult.kz.
Kórshisiniń aitýynsha, Madina men kúieýi bastapqyda tatý bolǵan. Alaida keiin jas kelinniń minez-qulqynda ózgeris baiqalǵan.
«Ekeýi qol ustasyp júretin. Kelinniń qurbysy kelip, qonyp júrdi. Sodan keiin kelinniń minezi de, túri de basqasha bola bastady. Eliktedi me… Bala tapsa da, balalyǵyn qoimaǵan jas kelin ǵoi», – dedi aýyl turǵyny.
Aita keteiik, Madina Rashidqyzy Jambyl oblysynyń Merki aýdanynda shamamen eki jyl turǵan. Ol Ózbekstan azamaty bolǵan jáne Qazaqstan azamatyna turmysqa shyqqan. Marqumnyń artynda segiz ailyq sábii qaldy.
Buǵan deiin Madinanyń qurbysyna jazǵan hat-habarlary áleýmettik jelide taraǵan edi. Onda jas kelin kúieýimen jii janjaldasatynyn, sondai-aq onyń ózine qol kótergenin jazǵan. Habarlamalardyń birinde erli-zaiyptylar arasyndaǵy sońǵy janjaldyń «Barni» táttisine bailanysty bolǵanyn aitqan.
Madina keiin jeke zattaryn jinap, kúieýinen ketip, ajyrasqysy keletinin qurbysyna jetkizgen.
Marqumnyń ólimi boiynsha Jambyl oblysynyń politsiiasy «ózin-ózi óltirýge deiin jetkizý» baby boiynsha sotqa deiingi tergeý bastaǵan.
Al Madinanyń týystary onyń ólimine kúmán keltirip, istiń barlyq mán-jaiyn jan-jaqty tekserýdi talap etip otyr.
