Shymkent qalasy ákiminiń ókimimen Ishki saiasat jáne jastar isteri jónindegi basqarmasynyń basshysy mindetin atqarýshy bolyp Mádi Manatbekuly taǵaiyndaldy.
Mádi Manatbekuly 1978 jyly 25 mamyrda dúniege kelgen.
Eńbek jolyn 1998 jyly respýblikalyq «Nartáýekel» gazetinde tilshilik qyzmetten bastaǵan. 1999 jyly qalalyq «Shymkent kelbeti» gazetinde, 2000 jyldan bastap «Otyrar» telearnasynda jýrnalist bolyp qyzmet atqarǵan, sporttyq «Topjarǵan», qylmystyq «Oqiǵa izimen» baǵdarlamalarynyń avtory ári júrgizýshisi.
2001-2006 jyldary «Astana» telearnasynda jańalyqtar júrgizýshisi, aptalyq aqparattyq-saraptamalyq «Úsh shirek», «Ashyq áńgime» baǵdarlamalarynyń avtory ári júrgizýshisi jáne 2006 jyly «31 arna» Astana qosynynyń tilshisi bolyp eńbek etken.
2007 jyly «MARMILAT» jarnama agenttiginiń direktory qyzmetin atqarǵan. 2008 jyly «Habar» agenttigi» AQ jańalyqtar qyzmetiniń júrgizýshisi; 2010-2013 jyl aralyǵynda «Qazaqstan» RTRK» AQ aptalyq aqparattyq-saraptamalyq «Apta.kz» baǵdarlamasynyń júrgizýshisi; qoǵamdyq-saiasi baǵdarlamalar bóliminiń jetekshisi; «Qazaqstan» RTRK» AQ Basqarma tóraǵasynyń orynbasary qyzmetterinde boldy.
2013 -2017 jyldary «BAQORDA media group» JShS Bas direktory, 2017-2018 jyldary «Qazaq radiolary» JShS bas direktory, 2018-2019 jyldary «Otandastar Qory» KEAQ-y vitse-prezidenti, 2019-2021 jyldary «Gorod Kino» JShS-niń bas prodiýseri, 2021 jyldyń qańtar aiynan búginge deiin «Astana» radiosynyń direktory qyzmetin atqarǵan.
