Para alǵan QR Mádeniet jáne sport ministrliginiń burynǵy jaýapty hatshysy S.Ýáliev, osy ministrliktiń Ákimshilik departamentiniń jks-direktory E.Dárjibaev sottaldy, dep habarlaidy "Ult aqparat" QR Sybailas jemqorlyqqa qarsy is-qimyl agenttigine silteme jasap.
Sheneýnikter «QazAqparat» baspa korporatsiiasy» JShS prezidenti Q.Botbaidan para alǵan. Al para bergen kásipker de jazalandy.
«Sybailas jemqorlyqqa qarsy qyzmeti QR Mádeniet jáne sport ministrliginiń jaýapty hatshysy Q.S.Ýálievke, ministrliktiń Ákimshilik departamentiniń direktory E.T. Dárjibaevqa, «QazAqparat» baspa korporatsiiasy» JShS prezidenti Q.Q. Botbaiǵa qatysty iri kólemde para alý faktisi boiynsha sotqa deiingi tergeýdi aiaqtady», delingen habarlamada.
Q.Ýáliev jáne E.Dárjibaev ekeýi Q.Botbaidan dini taqyrypqa ádebiet basyp shyǵarý boiynsha memlekettik tapsyrys shartyn jasaý arqyly kórsetken jalpy kómegi úshin 37 myń AQSh dollary mólsherinde para aldy degen kúdikke ilingen bolatyn.
30 qazanynda Nur-Sultan qalalyq №2 sotynyń úkimimen S.Ýáliev pen E.Dárjibaevqa 8 jáne 7 jylǵa bas bostandyǵynan aiyrý jazasy taǵaiyndaldy. Sondai-aq osy úkimmen Q.Botbai 7 jylǵa bas bostandyǵynan aiyryldy.
