Elordanyń mádeniet mekemelerinde qala turǵyndary men qonaqtarynyń bos ýaqyttaryn kóńildi, maǵynaly ótkizý úshin jańa jyl aldyndaǵy baǵdarlama ázirlenýde. Osy aptada teatrlar, murajailar, shyǵarmashylyq ujymdar qoiylymdar, shoýlar, kórmeler, kontsertter daiyndap otyr, dep habarlaidy Nur-Sultan ákimdiginiń resmi saity.
23 jeltoqsanda Memlekettik akademiialyq filarmoniia «Astana» kontsert zalynyń sahnasynda Jambyl Jabaevtyń 175 jyldyǵyna arnalǵan Halyq áni bóliminiń kontsertin ótkizedi. Oǵan «Saryarqa» folklorlyq ansambli de qatysady.
«Jastar» teatry jas kórermenderdi 22-29 jeltoqsan aralyǵynda kún saiyn ótkiziletin jańa jyldyq erteńgilik pen G.H. Andersenniń «Kishkentai sý perisi» ertegisine shaqyrady. 26 jeltoqsanda saǵat 19:00-de «Kúieý bala» dramasynyń premeralyq spektakli usynylady.
Elordalyq qýyrshaq teatry óz qonaqtaryna «Jańa jyldyq ǵajaiyptar» atty qýyrshaqtar shoýyn daiyndap otyr. Oǵan 18 jeltoqsannan 30 jeltoqsanǵa deiin barýǵa bolady. Kúnine birneshe qoiylym uiymdastyrylady.
M. Gorkii atyndaǵy Memlekettik akademiialyq orys drama teatry 22 jeltoqsanda saǵat 19:00-de N.Gogoldiń «Gogol.Peterbýrg» jelisi boiynsha sahnalanǵan qoiylymyn, al 23-25 jeltoqsanda atalmysh teatr Gogoldiń «Jenitba» komediiasyn usynady. 25 jeltoqsanda saǵat 11:00-de M.Bartenevtiń «Snegýrýshka» ertegisin kórýge bolady. Ertesinde kórermen qaýym R.Baeranyń «Smeshannye chývstva», al 30 jeltoqsanda R.Tomnyń «Vosem liýbiashih jenshin» qoiylymdaryna shaqyrady.
28 jeltoqsanda saǵat 15:00-de «Naz» memlekettik bi teatrynda «Myń bir tún» horeografiialyq qoiylymy ótedi.
21 jeltoqsanda jurtshylyqty Mýzykalyq jas kórermen teatry Muqaǵali Maqataevtyń 90 jyldyǵyna orai «Mahabbat-Júrek» mýzykalyq-poetikalyq spektaklin tamashalaýǵa shaqyrady. 23, 28, 30 jeltoqsanda atalmysh teatr «Kúlsheqyz» mýzykalyq ertegisin kórsetedi.
28 jáne 29 jeltoqsanda Nomad City Hall sahnasynda «Sarań» spektakliniń premerasy ótedi.
23 jeltoqsannan 7 qańtarǵa deiin kún saiyn Astanalyq tsirkte «Krýella jáne jańa jyldyq eliksir» atty jańa jyldyq tsirk qoiylymyn kórýge bolady.
27-30 jeltoqsan aralyǵynda elordanyń ortalyqtandyrylǵan kitaphana júiesi «Júrekten júrekke» qaiyrymdylyq aktsiiasyn ótkizedi, onyń aiasynda áleýmettik az qamtylǵan jáne kópbalaly otbasylarǵa áleýmettik kómek kórsetedi.
20-31 jeltoqsan aralyǵynda «Atameken» Qazaqstan kartasy» etno-memorialdyq kesheniniń betterinde áleýmettik jelilerde jazýshy jáne pýblitsist Imanjan Muqanov, aqyn jáne jýrnalist Eset Áýkebaev týraly tanymdyq jáne tarihi materialdar, Aqmola oblysynyń kieli oryndary, álemdegi alǵashqy jáne iri «Baiqońyr» ǵarysh ailaǵy týraly dáris, sondai-aq jańa jyldyq merekelik quttyqtaýlar jariialanady.
Osy aptada Sáken Seifýllin mýzeii óz akkaýnttarynda «Mýzei qorynan» aidarynan zertteý, «Tar jol, taiǵaq keshý» romanynan úzindi ornalastyrady, dástúrli beineekskýrsiia ótkizedi.
Is-sharalardyń bári sanitarlyq normalar men karantin talaptaryn saqtai otyryp júrgiziledi.
