Belarýs prezidenti Aleksandr Lýkashenko «Vitebskidegi slavian bazary» festivaliniń saltanatty ashylý rásiminde ánshi Roza Rymbaevaǵa «Óner arqyly beibitshilik pen ózara túsinistikke» arnaiy marapatyn tabys etti, dep habarlaidy belta.by.
Ánshi bul marapatty onyń shyǵarmashylyǵyn moiyndaý dep qana emes, Qazaqstannyń ónerine qurmet kórsetý ekendigin atap ótti.
«Belarýs pen Qazaqstannyń qarym-qatynasy árdaiym jyly bolǵan. Biz ony jyldar boiy saqtap qaldyq», - dedi Roza Rymbaeva. Ol barlyq halyqqa beibitshilik, tynyshtyq jáne baqyt tiledi.
Roza Rymbaeva - estrada ánshisi, aktrisa jáne pedagog, Qazaqstannyń halyq ártisi, Astananyń qurmetti azamaty. Ony Qazaqstannyń altyn daýysy jáne Ortalyq Aziianyń bulbuly dep ataidy. Roza Rymbaeva óziniń shyǵarmashylyq mansabynda 18 jeke albom shyǵaryp, toǵyz mýzykalyq jinaqqa atsalysqan.
Aita keteiik, Belarýstiń Vitebsk qalasyndaǵy «Juldyzdar alańynda» qazaqstandyq tanymal ánshi Roza Rymbaevanyń juldyzy ornatylǵan edi.
