Eýropa odaǵynyń Resei áýe kompaniialaryna Eýropa aspanyn jabýǵa daiyndalyp jatqanyna bailanysty Germaniianyń Lufthansa áýekompaniiasy 27 aqpanǵa qaraǵan túni munan ári Reseige ushaqtaryn jibermeitinin jariialady.
Mundai sheshim týraly Lufthansa ókili Reuters agenttigine habarlady. Ázirge 7 naýryzǵa deiin shekteý kózdelgen. Flightradar24 azamattyq aviatsiiasynyń monitoring servisi senbi kúni Resei áýe keńistigine ótken ushaqtar keri qaityp jatqanyn kórsetken.
26 aqpanda nemistiń ARD telearnasynyń Berlindegi ókildigi basshysynyń orynbasary Mattias Deis "Tvitter" paraqshasyna Eýropa odaǵy Resei áýekompaniialarynyń ushaqtaryna áýe keńistigin tolyq jabýdy josparlap otyrǵanyn jazǵan edi.
Reseidiń Ýkrainaǵa basyp kirýine bailanysty buǵan deiin Litva, Latviia, Estoniia, Sloveniia, Rýmyniia, Bolgariia, Chehiia, Polsha jáne Ulybritaniia Resei ushaqtaryna áýe keńestigin tolyǵymen japqan bolatyn. Al, Máskeý jaýap retinde bul elderdiń ushaqtaryna áýe keńistigin japqan.
