Germaniianyń Lufthansa áýe kompaniiasy ushqyshtar men jolserikterdiń ereýiline bailanysty shamamen 1300 reisti toqtatatynyn habarlady. Bul reister boiynsha shamamen 180 myń jolaýshy ushýy tiis bolǵan. Ereýil 7-8 qarasha kúnderi ótedi.
Juma, 7 qarashada Lufthansa-nyń bas keńsesiniń aldynda jolserikter jappai sherý ótkizedi. Olar jalaqyny ósirýdi jáne eńbek jaǵdaiyn jaqsartýdy talap etedi.
Buǵan deiin Lufthansa basshylyǵy qyzmetkerlerdiń ereýilin zań arqyly tyiýǵa tyrysqan. Alaida sot 6 qarashada áýe kompaniiasynyń eńbek daýyna bailanysty shaǵymyn qanaǵattandyrmady. Lufthansa sheshimdi apelliatsiiaǵa beretinin aitty.
Qazan aiynda Lufthansa áýe kompaniiasymen bailanysty tórt kompaniia qyzmetkerleri ereýilge shyqqan. Olardyń arasynda Eurowings jáne Germanwings kompaniialary bar. Ol kezde Berlin, Miýnhen, Frankfýrt jáne Diýsseldorf áýejaiyndaǵy reister toqtaǵan.
