Qazaqstan Respýblikasy Táýelsizdigi kúniniń qurmetine London ortalyǵyndaǵy ǵimarat elimizdiń kók bairaǵynyń túsine boialdy. Sonymen qatar el egemendiginiń 30 jyldyǵy logotipy da qasbetten kórinis tapty, dep habarlaidy QazAqparat.
Ulybritaniianyń basty aýdany Trafalgar alańy janynda ornalasqan tarihi ǵimarattyń boi kótergenine bir ǵasyrdan astam ýaqyt bolǵan. Qazir munda Qazaqstan Respýblikasynyń elshiligi jumys isteidi. Kazakhstan House degen mańdaishasy bar nysannyń janynan kúnbe-kún milliondaǵan týrister men jergilikti turǵyndar ótedi. Táýelsizdik kúni keshinde Londonda ýaqytsha turyp jatqan qazaqstandyqtar da ǵimarat janynda jinalyp, ulttyq ánuranymyzdy oryndady.
«Osy mereke-toimen quttyqtaǵym keledi. Aman bolyńyzdar, saý bolyńyzdar. Mereke qutty bolsyn. Alǵa, Qazaqstan!», deidi «Bolashaq» baǵdarlamasymen Kings Kolledj ýniversitetinde sot-meditsinalyq saraptama mamandyǵy boiynsha taǵylymdamadan ótip jatqan stýdent Áziz Ibrahimov.
«Men alǵa, Qazaqstan degim keledi. Halyqqa barlyq jaqsylyqtardy tileimin. Bul óte jaqsy bastama. Men Qazaqstandy qoldaimyn!» deidi kóshe júrginsheleriniń biri Adam Smit.
