© AP Photo / Darko Vojinovic
Lisakovsk qalasynda áielimen ursysyp qalǵan 30 jastaǵy er adam kópqabatty úidiń shatyrynan sekirip ketpek boldy, dep habarlaidy Sputnik Qazaqstan.
22 mamyrda qalalyq politsiia bólimine er adamnyń 9 qabatty úidiń shatyryna shyǵyp ketkeni týraly habar túsken. Jelide taraǵan videodan ol tosqaýyldyń arǵy jaǵyna ótip, sekirýge daiyndalyp jatqany anyq kórinedi.
Oqiǵa oryna patrýldik ekipaj – politsiia leitenanty Aibek Baisapaqov pen aǵa leitenant Andrei Grabar bardy. Artynan ýchaskelik inspektor Azat Nurǵaliev jáne qutqarýshylar da kelip jetti. Tártip saqshylary dereý 30 jastaǵy er adammen kelissóz júrgizýge kirisken. Ol áielimen ursysqannan keiin shatyrdan sekirýge bel býǵanyn aitqan.
"Ondaida adammen kelissóz júrgize bilý kerek. Aldymen motivatsiia berip, jaqyn adamdarymen sóilesýge jaǵdai jasaǵan durys. Ol jigit bizge ata-anasynyń telefon nómirin berdi. Men olarǵa qońyraý shaldym. Arǵy jaǵynan anasynyń daýysy estildi. Men qatty jeldiń saldarynan durys estilmei jatqanyn aittym da, telefonmen ózi sóilesýin ótindim. Ol kelisti. Sóitip, qolyn soza bergende shap berip ustap aldym", - deidi Baisapaqov.
Leitenanttyń politsiiada istep júrgenine 8 jyl bolǵan. Biraq mundai jaǵdaimen alǵash ret betpe-bet kelipti.
